السلام عليكم ،،
عندي سيارة كامري موديل 2003 ، 4سلندر ، XLI
مشكلتها تصرف بترول زيادة على اللزوم
يعني لما أعبيها فل بترول (أخضر 95 أوكتان) تمشي حوالي 310 كم لين يطلع الليت الأصفر مع العلم أن السواقه كلها داخل المدينة و السرعة بين 60-90كم/س بس ، و غيرت السبارك قبل فترة بسيطة ..
حسب معلوماتي أنه المفروض تمشي بين 500-550 كم لما تعبيها فل و سواقة داخل المدينة
أخواني أرجو المساعدة و المشورة شو أسوي حتى أحل هالمشكلة و إذا فيه محل معين داخل بوظبي يقدر يحل المشكلة
أخوي أنا كان ودي أفيدك في موضوع الصرفية لكن للأسف ماعندي معلومات كثيرة , لكن بعطيك معلومة السيارة يوم تسير داخل المدينة تصرف بنزين أكثر من الخطوط الخارجية بسرعات معقولة لان داخل المدينة إشارات وزحمة والجير دوم ثقيل لكن خارج السيارة تاخذ راحتها والجير يخف ويريح مكينة السيارة …
هذا حسب معلوماتي المتواضعة !!!!
شوف سنسر الهوى .. بس افضل انك تعرضها و تفحصها كمبيوتر عند محل الشيخ خلف مخابز السعاده في بوظبي
أشياء كثيرة ممكن تأثر على صرفية البترول
حتى ضغط التواير ممكن يأثر على صرفية البترول
هل الشي هذا حصل فجأة أو بالتدريج ؟
مشكور أخي على الرد و لكن بالنسبة لفلتر الهواء غيرته بعد قبل فترة بسيطه و البلاكات أصلية شارنها من محل المعروف و أكدت عليه انها تكون الأصلية
السلام عليكم اخي الكريم
غير فلتر الهواء او نظفه بتتعدل الصرفيه وعند تبديل البلاكات تاكد انهن بلاكات الوكاله
وشكرا