السلام عليكم ،،
عندي سيارة كامري موديل 2003 ، 4سلندر ، XLI
مشكلتها تصرف بترول زيادة على اللزوم
يعني لما أعبيها فل بترول (أخضر 95 أوكتان) تمشي حوالي 310 كم لين يطلع الليت الأصفر مع العلم أن السواقه كلها داخل المدينة و السرعة بين 60-90كم/س بس ، و غيرت السبارك قبل فترة بسيطة ..
حسب معلوماتي أنه المفروض تمشي بين 500-550 كم لما تعبيها فل و سواقة داخل المدينة
أخواني أرجو المساعدة و المشورة شو أسوي حتى أحل هالمشكلة و إذا فيه محل معين داخل بوظبي يقدر يحل المشكلة
في مواد لتخفيف الصرفية جربها يمكن تنفع تصب السائل مع البترول ينظف الانجكترات والوالات يطلع الكربون انا عندي جمس شو اقول الشيخ يصرف الله يعينك.
فالك طيب بو روضة لو حصلت أي حل باخبرك انشاء الله