السلام عليكم و رحمة الله و بركاته
سؤال بسيط ( لكن ما حصلت اجابة سريعة عليه )
انا مستثمرة في سوق دبي المالي و عندي حساب تداول و رقم مستثمر
الحين .. ابا اتوجه الى سوق العاصمة .. هل مرررره ثانية افتح حساب
و اتعامل مع شركة وساطة و لا نفس الوسيط بيكون عنده فرع في بوظبي
و سلامتكم ..
للامانه اذا كنت مستعجله الافضل تستخرجينه بنفسك لان الوسيط يطول ياخذ من اسبوع
الى ثلاث اسابيع
اختي ام عبدالله
اطلبي من وسيطج وهو بيطلعلج رقم المستثمر
السلام عليكم
ممكن انك تفتحبن رقم مستثمر عن طريق سوق ابوظبي المالي في ابوظبي او الفرع الي في الشارقة بالقرب من قنات القصبه يعني مب لازك انك اتسيرين لين ابوظبي اما بل نسبة للوسيط ممكن تسالي الشركه الي تتعاملين وياهم وانا في اعتقادي انا معضم الوسطاء عندهم افرع في سوق ابوظبي المالي
ممكن تذكرين اسم الوسيط في المنتدى والاعضاء في المنتدى بيفيدونك اذا عندهم فرع او لا
والسلام عليكم
السلام عليكم و رحمة الله و بركاته
اشكرج يا غالية على سرعةالرد ..
اظن عنده فرع في بوظبي .. ( هل لازم اروح بوظبي عشان رقم
المستثمر) و لا في طريقة ثانية عن طريق الوسيط .. ؟؟؟؟؟
و تحياتي .. و تقديري
اختي ام عبدالله
لازم تاخذين رقم مستثمر من سوق بوظبي لكن الوسيط مالك اذا كان عنده فرع فبوظبي ما
يحتاج تفتحيين حساب عند وسيط ثاني
وتقدرين تتكدين من اذا كان وسيطج عنده فرع او لا بالذهاب لموقع سوق بوظبي وتفتحين
وصلة وسطاء السوق
وهذه هي
http://portal.adsm.co.ae/wps/portal/!u…_s.7_0_A/7_0_HI (http://portal.adsm.co.ae/wps/portal/!ut/p/.cmd/cs/.ce/7_0_A/.s/7_0_HI/_s.7_0_A/7_0_HI)