السلام عليكم ورحمة الله وبركاته

اخواني ولله الحمد أخذ لكزس Ls460 ..2008 .. و من فتره وانا اسمع قصص ان بعض الأشخاص خذوا هالموتر بس موديلات 2007 و كانت تدخل هوى !!
فسألت الوكاله و قالولي لا هذه المشكله كانت في اول دفعه و بالتحديد بس 7 سيارات .. المهم انا توكلت على الله و اخذت الموتر .. بس بالفعل يوم امشي 80 ولا 100 اسمع صوت هوى من جهتي ( جهة السايق )؟؟؟!!! فهل هذه هي الجهه الي فيها المشكله ..؟ و الي كان عنده المشكله شو الحل ؟؟!!

ويزاكم الله خير والسموحه منكم

9 thoughts on “استفسار عن لكزس Ls460”

  1. هذا شي طبيعي في اللكزس ..

    الهواء

    والله يوفقك

    بيسوولك ميزاينة الباب والربلات بتتغير وبس وان شاء الله اوكيه

  2. مبروك السيارة يعطيك العافية
    روح الوكالة وتاكد من الصيانة ما عليك من كلام صاحب الوكالة لين ما يعدلوا العطل شلة وياك ولاترضي لين ما يعدلونها

  3. اولا مبروك الموتر و يعطيك خيره و يكفيك شره

    مشكلة الهوى كان لها بعدين .. البعد الاول حلوه بأنهم خلو الجامات دبل ..

    اما البعد الثاني للحين ما حلوه .. و سبب المشكله حسب ما يقولون ان انسيابية السيارة و وجود المرايا الجانبية منفصله عن الجامات الامامية يسبب انعكاس مسار الهواء القادم من مقدمة السيارة على المرايا الجانبية و منهم على الجامات الامامية .. و تسمع صووت خفيف جدا أنا ما لاحظته الا بعد اسبوع .. يوم اني تأقلمت مع هداوة السيارة ..

    انت من وين ؟ اذا تحب سوق سيارتي و تجرب اذا كان الصوت عندك شديد والا خفيف واتقارن مع سيارتك ما عندي مشكله و حاضرين

  4. المعرووووف انه المشكله لازلت قايمه

    ونصيحه مني لك

    سير عند الموظف الي قالك حليناا المشكله

    وشله من قفااااه وخله يسووووق وسمعه

  5. الصراحة أول مره أعرف أنه اللكزس يدخل هواء خخخخ يحليلك صادوك في الماي العكر .. لو ماخذ موديل 98 أحسن لك خخخخ مايدخل هواء

    أحنا قبل عندنا أستيشن يدخل هواء يوم وديناه الوكاله طلع الخلل من ميزانية الباب يوم عدلوا الميزانيه ضبط ..
    مع أني أول مره أعرف أنه للباب ميزانيه
    أو تأكد الربلات مب مطروره

Comments are closed.