السلام عليكم ورحمة الله وبركاته

اخواني ولله الحمد أخذ لكزس Ls460 ..2008 .. و من فتره وانا اسمع قصص ان بعض الأشخاص خذوا هالموتر بس موديلات 2007 و كانت تدخل هوى !!
فسألت الوكاله و قالولي لا هذه المشكله كانت في اول دفعه و بالتحديد بس 7 سيارات .. المهم انا توكلت على الله و اخذت الموتر .. بس بالفعل يوم امشي 80 ولا 100 اسمع صوت هوى من جهتي ( جهة السايق )؟؟؟!!! فهل هذه هي الجهه الي فيها المشكله ..؟ و الي كان عنده المشكله شو الحل ؟؟!!

ويزاكم الله خير والسموحه منكم

9 thoughts on “استفسار عن لكزس Ls460”

  1. اولا مبروك الموتر و يعطيك خيره و يكفيك شره

    مشكلة الهوى كان لها بعدين .. البعد الاول حلوه بأنهم خلو الجامات دبل ..

    اما البعد الثاني للحين ما حلوه .. و سبب المشكله حسب ما يقولون ان انسيابية السيارة و وجود المرايا الجانبية منفصله عن الجامات الامامية يسبب انعكاس مسار الهواء القادم من مقدمة السيارة على المرايا الجانبية و منهم على الجامات الامامية .. و تسمع صووت خفيف جدا أنا ما لاحظته الا بعد اسبوع .. يوم اني تأقلمت مع هداوة السيارة ..

    انت من وين ؟ اذا تحب سوق سيارتي و تجرب اذا كان الصوت عندك شديد والا خفيف واتقارن مع سيارتك ما عندي مشكله و حاضرين

    هلا والله حبوب .. بالفعل نفس ما قلت .. انا بعد ما اتأقلمت على السباره حسيت بالهوى .. وسرت اليوم وسألت عنه قالي الموظف مثل كلامك 100 % يزاك الله خير .. انا من بوظبي .. وما يحتاي اخوي .. واحد من الربع أخذ واحد امس بجربه و بشوف الفرق.. مشكووووووووووووووووووووووووووووووووووووور

  2. أول شي مبروك ع السيارة والله يعطيك خيرها ويكفيك شرها..

    بس ياريتك شاورت الشباب بخصوص المشكلة قبل لا تشتري .. مب تشاور الوكاله..لانهم اكيد فالوكاله بيقولولك المشكلة انحلت عشان يبيعون “كل يمدح سلعتة”.

    بس فالنهاية بغض النظر عن هذي المشكلة المزعجة .. انته عندك سيارة تعتبر من افخم السيارات حاليا .. واذا منزعج من الهواء .. ياخي طول على المسجل الين ما يلقون لكم حل نهائي!!

  3. مبروك ع السياره

    انا عندي جي اس والحمد لله لايدخل هوا ولا ماي

    رجع السياره ع الوكاله اكيد بيهتمون لأنهم مايبون يخربون سمعت اللكزس

  4. افا يا اللكزس معروف عنه ما يظهر صوت اللحين يدخل هوا افاا

    اخوي سير الورشه ولا تسكت انته ماخذ لكزس مب كورولا

Comments are closed.