السلام عليكم ورحمة الله وبركاته
اشحالكم يا جماعة الخير
بغيت استفسر عن الأوريون شو استخدامها وشو استعمالها ..
لاني سمعت الكل يمدحها بس ريال يخبرني انه ربيعه عنده وحدة بس تدخل هوا اونه شرات اللكزس اليديدة ..
ماعرف قلت بسال وبتأكد من عندكم فالي عنده خبره يخبرني ..
وسرنا وكالة الفطيم فبوظبي وعطونا الرقم واحد فوق ابشن 121500 بدون السيرفس ..وقلنا بنجوف البهوان لانه يقولون مواصفاتهم احسن وارخص بعد ..
لاني اذكر مرة قريت فموضوع انه عندهم مكتب اظني فالنادي السياحي ولا مادري وين بالضبط غير الدينا تريد الي فمصفح ..
181 عطاني رقم الدينا تريد وقالي انه تتبعهم هاي وهي فمصفح وحرقت تيلفونهم ومايردون ..
فياليت يا اخواني الي يعرف رقم هالمكتب الي فبوظبي يخبرني وين ولا يعرف رقمهم
ومشكورين والسموحة طولت عليكم
السلام عليك
رقم مبايل المباشر هو 05066161806 هذا المسؤول عن البيع التيوتا اتصله والفرع موجود في ابوظبي جانب وكارة الهوندا
gtr30000
كلامك صحيح ..كل شي جايز عادي تحصله السنة اليديدة مغيرين اشكالهم كلهم ههههههه عيزنا منهم
اشكرك ياخوي على وجهة نظرك ولك مني كل احترام
uae2044
اشكرك ياخوي ماقصرت اتصلتلهم وسرتلهم اليوم العصر وبصراحة قمة الاحترام ..رد علي مصري وخبرني انه يالسين ينتقلون الى مكاتبهم اليديدة وقالي اذا بتي حياك عادي مع انه المكاتب مخبوصة خبصة وسرتلهم ووصفلي المكان ويوم وصلت عند النادي السياحي ماعرفت مكانهم بالضبط ودقيت ورد علي هندي وبصراحة يا جماعة قمة الاحترام ماسكر من عندي الا يوم دليت المكان بالضبط وقلتله بس ابا كتالوجات لانه قالي يالسين ينتقلون حاليا وسرتلهم ولقيتهم خابصين البقعة فوق وتحت ..ومع هذا عطوني الي اباه من الكتالوجات وسرت وقلتلهم بييكم فالمكتب اليديد وبيفتتحونه عقب باجر وموقعه يا جماعة الخير
فبناية بنك المشرق الي فمدينة زايد الطابق الثاني وبيفتحون ورا باجر الخميس ان شاء الله
وهاي كل السالفة
ومشكورين يا جماعة على اارائكم واقتراحاتكم
ولكم مني كل احترام
السلام عليكم
اتصل على 0504623178 إسم الريال (محمد مقصود) و مكتبهم في النادي السياحي ورى ملك الدجاج
اتصل مرة و مرتين لأنهم وايد مشغولين بس يوم يكلمونك وايد محترمين
و اسمحلنا
مبروك مقدما
مداخله بسيطه…
الاريون…. توها نازله…. و يبالها كم سنه عشان تتغير
الافالون… عن جريب شكلها بيتغير…
…
تحياتي لك
انته اختار
عنترة
العفو يا خوي
عيل حياك اخوي بنتلاقى هناك وبنطيحبهم طيحة ههههههه
ابوظبي 2127
اشكرك يا خوي بو راشد ماقصرت بنتصلبهم وبنجوفهم . الف شكر لك
مع انه الارقام هاي هب مسجلة ف181 هههههه هب هين انت
تعال عيل نبا دسكاوند هههه
مشكورين اخواني ماقصرتو