السلام عليكم ورحمة الله وبركاته

اشحالكم يا جماعة الخير

بغيت استفسر عن الأوريون شو استخدامها وشو استعمالها ..

لاني سمعت الكل يمدحها بس ريال يخبرني انه ربيعه عنده وحدة بس تدخل هوا اونه شرات اللكزس اليديدة ..

ماعرف قلت بسال وبتأكد من عندكم فالي عنده خبره يخبرني ..

وسرنا وكالة الفطيم فبوظبي وعطونا الرقم واحد فوق ابشن 121500 بدون السيرفس ..وقلنا بنجوف البهوان لانه يقولون مواصفاتهم احسن وارخص بعد ..

لاني اذكر مرة قريت فموضوع انه عندهم مكتب اظني فالنادي السياحي ولا مادري وين بالضبط غير الدينا تريد الي فمصفح ..

181 عطاني رقم الدينا تريد وقالي انه تتبعهم هاي وهي فمصفح وحرقت تيلفونهم ومايردون ..

فياليت يا اخواني الي يعرف رقم هالمكتب الي فبوظبي يخبرني وين ولا يعرف رقمهم

ومشكورين والسموحة طولت عليكم

19 thoughts on “استفسار عن وكالة الدينا تريد وسيارة الأوريون”

  1. نسيت اعطيك رقم المكتب بعد
    026766580

    بس حاول تنقصهم

    انا عطوني سعر اقل عن الوكالة!!
    واييبلك السيارة برقم تصدير عمان

  2. السلام عليكم ..

    اتصل ع واحد اسمه arun
    0504824381

    مكتب المدينة الذهبية
    فالنادي السيارة
    مكتب اييبلك السيارة من مسقط مادري البريمي
    انا ماخذ كامري من عندهم
    اسعارهم حلوه

  3. salem4532

    اشكرك اخوي بس سرتلهم تراني واترياهم باجر قالو بيفتتحون هالمكتب اليديد ونتفاهم وياهم هناك احسن ..
    وعلى فكرة الرقم 8 ارقام الي حطيتيه ومشكوور ياخوي ماقصرت

    عنترة
    على حد علمي والي سمعته انه هاي فرع للبهوان بس فبوظبي ..وانا سرتلهم وعطوني كتالوجات للسيايير ..فإذا هم ورشة تصليح اظني ياخوي مايعطون كتالوج وولا يتفاهمون وياك.
    عالعموم بنسيرلهم باجر اذا الله راد وبنجوف شو بيقولولنا..ومشكور ياخوي

    نوط بو خمس

    اشكرك ياخوي على وجهة نظرك ..ومبرووك عالسيارة
    بس الرقم 2 ياخوي بدون فتحة وبدون جلد الي اعرفه

    ونحن فخاطرنا رقم واحد فل فل

    عالعموم مشكووووووووووووووووووووووووووووووور على كل شي قلتله وان شاء الله اذا الله راد وظهرنا هالسيارة بنجرب وياك قومة وخط ههههههههه

    ولكم مني كل احترام يا اخواني

  4. الطيب انا شاري اوريون رقم 2 من كم من يوم …

    و ركبت له نافيقيشن و يا بلوتوث و كيمره و كل شي من عند الاخ محمد المهيري …
    و طلع فت فت فت عليها .. و الله احلى عن مال الوكاله
    محله اسمه الثريا فصناعيه العين عدال الاتصالات …

    المهم السياره حلوة و هاديه و ما ادخل هوى …

    و احلى احلى احلى شي فيها .. بنت اللذين قوووووووووووو

    و الله طريت لكسز ال اس 400 طرررررر

    و مادري بعد شو ..

    و السياره شكلها احليو … ..

    و انت و رايك ..

    لو تبا اعطيك السياره اتيربها انا ما عندي مشكله

  5. انا اليوم رحت البهوان قالولي ماتروم تشتري من ديناتريد لانها بس ورشة اما المبيعات في البهوان فقط هذا على حد ماسمعت

Comments are closed.