السلام عليكم ورحمة الله وبركاته

اشحالكم يا جماعة الخير

بغيت استفسر عن الأوريون شو استخدامها وشو استعمالها ..

لاني سمعت الكل يمدحها بس ريال يخبرني انه ربيعه عنده وحدة بس تدخل هوا اونه شرات اللكزس اليديدة ..

ماعرف قلت بسال وبتأكد من عندكم فالي عنده خبره يخبرني ..

وسرنا وكالة الفطيم فبوظبي وعطونا الرقم واحد فوق ابشن 121500 بدون السيرفس ..وقلنا بنجوف البهوان لانه يقولون مواصفاتهم احسن وارخص بعد ..

لاني اذكر مرة قريت فموضوع انه عندهم مكتب اظني فالنادي السياحي ولا مادري وين بالضبط غير الدينا تريد الي فمصفح ..

181 عطاني رقم الدينا تريد وقالي انه تتبعهم هاي وهي فمصفح وحرقت تيلفونهم ومايردون ..

فياليت يا اخواني الي يعرف رقم هالمكتب الي فبوظبي يخبرني وين ولا يعرف رقمهم

ومشكورين والسموحة طولت عليكم

19 thoughts on “استفسار عن وكالة الدينا تريد وسيارة الأوريون”

  1. اشكركم يا شباب على تفاعلكم وبجوفهم باجر شو بيردون علينا مع انه ربيعانا جاف السيارة فوكالة البهوان فالبريمي على 112500 درهم

    يعني الفرق بين الفطيم والبهوان9000 درهم ومواصفات البهوان احسن بعد 6 حساسات والفطيم اظني اربع والبهوان ببلوتوث والفطيم بدون بلوتوث

    عالعموم بنجوفهم عقب باجر والي ربنا بيكتبه بيصير ان شاء الله

    ولكم الف شكر

  2. اخيو مكتب البهوان في في النادي السياحي عدال مركز المدخنين بالضبط خلفه على طول

    اما تينا تريد ماتبيع شي معروف لانها ورشه تصليح فقط

    وبصراحه اشوف ان دينا تريد مشكلتهم مايصلحون حتى لو القطعه صالحه يقولك يبالها تغيير

    انا رحت اشيك على السياره في دينا تريد طلعت ب9000

    رغم ان السياره يبالها بس خراطه وتغيير سفايف

    اخر شي عطيته 500 درهم حق الكشف وخذت السياره وسويتلها خراطه وتغتتير سفايف كله ب1200 بس

    والسموحه وربي يوفقك لكن انصحك بالافلون وايد فرق عن الاوريون

  3. بس صيانة دينا تريد اي كلام اذا شي يبا تغيير يطرشون فاكس لمسقط وعاد اتريا 10 ايام

    انا مسوي حاادث..

    وصلحوه ب 7 ايام..

    لو الفطيم بياخذ شهر..

Comments are closed.