السلام عليكم ورحمة الله وبركاته،
عندي سؤال لأهل الخبرة، خاصة في مجال استيراد السيارات المستعملة…
في موقع carsdir.com وهو موقع خاص لبيع السيارات المستعملة، غالباً في الدول العربية، يوجد شخص أو أشخاص من دول أوروبية عارضين سيارات شبه جديدة بأسعار مغرية جداًً
وهذه روابط لبعض السيارات المعروضة (لاحظوا السيارات ذات الوصف الانجليزي)
http://www.carsdir.com/carsforsale.asp?ListingType=list&CountryID=190&MakeID=0&p=4&order=CarID
http://www.carsdir.com/carsforsale.asp?ListingType=list&CountryID=190&MakeID=0&p=5&order=CarID
سؤالي هو، هل هؤلاء الأشخاص صادقين؟؟ هل هذه السيارات بهذه الأسعار شي معقول؟
وجزاكم الله خير
بالتووووووفيق ان شاء الله
alain9999
شكراً على مرورك.. وهذا اللي يحير الأسعار رخيصة جداً
بوعناد الجنوبي
حتى أنا كلمته وأرسل لي إيميل عن طريقة العقد شكلها نصب مثل ما تقول
وجزاك الله خير
المسترزق
جزاك الله خير على حرصك، وانا من أول ما شفته قلت نصب، بس اللي خلاني أفكر في الموضوع إنه واحد أعرفه قال لي إنه بعض الدول تجبر اللي مقترضين من البنوك وما سددوا ببيع ممتلكاتهم بأسعار رخيصة، وهناك بعض التجار متخصصين بشراء مثل هذه الأشياء و بيعها على الناس، فيقول انه يمكن يكون هذا منهم…
قلت يمكن أحد من الاخوان في المنتدى سمع بشي كذا!!
وجزاكم الله خير
السلام عليكم
اخوي انصحك لله
لا ينضحك عليك…. احنا مو ناقصين
الي فينا كافينا …. الواحد منا مايصدق يلم القرش ،ويوم يجمع له كم قرش بالساهل يعطيها نصابين مثل هذولا
اخوي بالعقل
لا يغرك فرق المبلغ
ترى الشغلة باينة نصبه في نصبه
حافظ على فلوسك وانا خوك يكفي الاسهم، وسوا ، وش تبي بعد
الناس تسوي عقود هنا يعني مان تو مان ،،،، ويالله يالله تسلم ،، كيف اجل عن طريق النت مثل هالشي
اسف على الاطالة لكن من حرقتي
مودتي لك
السلام عليكم ورحمة الله وبركاته…
والله يا أخوان أنا أتصلت بالرقم وجاوبني ريال…وسألته عن الجيب…المهم قل السياره في الرياض قلت له لكن الصوره ليست من الرياض…رد بسرعه قل أنا راح أبعث السيارة دايرك على بلدك…؟؟!!!!
شكل الموضوع نصب في نصب….سيارات مسروقه ويردون يبعونها…
على فكرة قال أنا في رومانيا….
حلو الموقع
واسعاار بعد احلى
بس والله شي يخوف
موديل الــ 2005 هني ينباع في اميه الف وفووق
لكن في الموقع السعر على 40 الف
اكييد شي يخوف
موضوعك هذاا لازم يكون في موضوع بيع السيارات
هنااك بيفيدوك