السلام عليكم
اشحالكم ؟؟ عساكم بخير ؟؟
اخواني شو رايكم في الكاديلاك cts-v اليديدة واللي مكينتها 609 أحصنة ؟؟
حد منكم جربها ؟؟ فيها مشاكل والا شي ؟؟ وشو السيارات اللي ممكن الواحد ياخذها بنفس السعر علما ان سعرها 290,000 درهم
اذا اي حد عنده اي معلومة عنها يخبرنا ،،
وشكرا
السيارة ما فيها عيوب وما عليها خوف خاصة عليها ضمان 4 سنوات وسيرفيس كونتراكت 4 سنوات او 100 الف ( ما متأكد اذا هذا العرض ساري على CTS-V)..تسوقها بدون ما تحاتي والسيارة وايد قوية وثباتها عجيب وتفوقت على m5 في السرعة والثبات على المنحنيات في برنامج top gear.وفيها كل مواصفات الفخامة لسيارة صالون….لكن بعد الضمان قطع غيارها شوي مبالغين في اسعارها…
في النهاية سيارة امريكية.. اذا بتاخذها حط في بالك ما تبيعها لان سعرها يدق من تسوقها برع الوكالة وبيعتها صعبة شوي..
وكشكل..شخصيا ما يعيبني وايد..يمكن تمل منها بسرعه..بينزل الحين كوبيه الشهر الياي..احلى عن 4 بيبان..او خذ لك مستعملة عليها ضمان ووفر على عمرك وايد..
موفق…
خويك مجرب مع 911 توربو و z06 و جيب srt
طبعا و بلا فخر كلهم ورا
السيارة ما عليها كلام ، و اذا معزم نصيحتي لك بتكون اقبض السكان عدل و زين ما زين و عليك بالفل ريس
و موفق خير
موفق بإذن الله … لك مني أجمل تحية .
مرحبا اخوي ،،
هي نعم الموتر اييك جير عادي عالطلب لكن ،،
بس اخوي الجالنجر موتر سبورت بحت وانا مادور حاليا على موتر شراته ،، ابا موتر استخدامه مريح و قوي فنفس الوقت ،،
وطبعا المواصفات اللي فالكادلاك تفوق الجالنجر بمراحل من ناحية الفخامه والرفاهية ،،
الجالنجر شكله كلاسيك وجميل ،، ومكينته قوية ،، بس بدون اي تعديلات ماتوقع يروح عن الكاديلاك ،، اما مع التعديلات ماعندي اي فكرة ،،
بس الكاديلاك وكالة ماخلا موتر سيدان ماروح عنه حتى الـ z06
ومشكور اخوي على رايك