السلام عليكم ورحمة الله وبركاته
اخواني تكثر هذه الايام ظاهرة تغيير القراءة في عداد السيارة لكي تبدو انها ماشية كيلومترات قليلة
وحسب معلوماتي ان التغير اصبح سهل ورخص عند اصحاب النفوس الضعيفة
والسؤال هو كيف يمكن معرفة ذلك اي ( كيف تعرف ان عداد السيارة تم تغيير القراءة فيه)
اما الاستفسار الاخر كم نعرف ان السيارة كانت تكسي او كانت تابعة لمكتب تأجير
فقد لاحظت ان هناك الكثير من السيارت مثل الكامري والكورولا تباع باسعر رخيصة جدا
فمثلا وجدت في الشارقة كامري موديل 2006 لون سلفر وسعرها 31 الف فقط وشكلها الخارجي نظيف والعداد يقرأ 95 الف فقط ونجحت بفحص مرور الشارقة ولكن هناك من همس بأذني ان السيارة كانت تكسي والعداد ملعوب فيه فتركتها
هل يمكن الاستفسار من المرور عن فيما اذا كانت السيارة تكسي او لمكتب تاجير
وهل هناك طريقة فنية لكشف التلاعب بالعداد ؟؟؟؟؟؟؟؟
افيدونا افادكم الله
صدقت ياخوي هالطريقة حلوة بعد وتقدر تكشف هالشي
وايد عندنا شباب من قطر يجون الامارات بس عشان ينزلون العداد
صج قهر وحرام هاي الي يصير
بس المفروض تشتكون على اصحاب المحلات الي تسوي هالسوالف وتغش الناس
ويغرمونهم او يصادرووون اجهزتهم ويمنعون هالشي بالدولة
والله بتسوون خير لو تكلمون اي جهة رقابية عندكم عن الموضوع وتعطونهم فكرة بلي يصير في السوق
والله يعطيكم العافية
واسمحولي على الإطالة
وتسلم ياخوي على الموضوع
موفق بإذن الله … لك مني أجمل تحية .
بسيطه
سير الوكاله وعطهم رقم الشاصي وشوف متى اخر مره دشت وكم كان الكيلو متر لانهم يسجلون الكيلو متى يوم تدخل السياره عندهم
اذا قبل شهر دشت وكان الكيلو 40 الف ومكتوب عندك ماشيه 25 الف معناته ملعوب فيهاا
انا عن نفسي اتكلم عن خبرة ,اغلب السيايير ماتنعرف اذا منزلين عدادها وجميع انواع السيايير يقدرون ينزلون عدادها من رنج وورش وبنتلي لكن اخر موديلات السيارات الفخمة مثل البنتلي يكون فيها سنسر عداد قراية حق الجير كم ماشي يعني لو مشت السيارة 100 الف كيلو وراعيها نزل العداد الى 50 الف وانته بغيت تاخذها ودها الوكالة وهم بيخبرونك انها ماشية 100 الف بيعرفون من سنسر الجير ,في شي ثاني الي هم معدل الاستخدام الطبيعي العالمي للسيارة سنويا يكون 25 الف كيلو متر وانته احسب السيارة الي بتاخذها شو مال كم سنة واحسب على كل سنة 25 الف كيلو وبتعرف بها الطريقة اذا كان مشيها واقعي ولا لا,واخر
طريقة شوف العداد واسال الوكالة عن السيارة برقم الشاصي باخر تشييك لها وقارن الفترة بين اخر تشييك والوقت الي بتاخذ فيه السيارة اذا كان طبيعي ولا لا وبتعرف وان شاء الله اكون افدتكم بشي
جزاك الله الف خير