استفسار لأصحاب الخبرة في اللكزس الوارد

19 thoughts on “استفسار لأصحاب الخبرة في اللكزس الوارد”

1. آخوي انا دوم اصلح موتري عندهـ عندي لكزس نفس موتركـ 2005 ..الريال صح فاهم .. وبند لي الليتات الي كانت تشتغل في النهار .. و مسوي تشيييك كاااااااامل من الالف للياء .. مع برمجهـ وتحويل الكيلوا متر والحرارهـ .. وتغير بلاكات وتايبنج بلت .. وسيور .. وفلتر التكييف .. وفلتر القير ..مع خريطه خليجيهـ ..بــ 2200 درهم بسسس … فمستغرب من سالفة الـ 4000 ؟ ليييش ؟؟
   .
   .
   وعلى فكرهـ موتركـ بعدهـ يديد .. مو ماشي انا بدلت كل هذا لما وصل الموتر .. 67 الف ميل .. قلت اغير لاني ماعرف شو الوضع قلت اغير بالكامل مابتريال الين يوصل 100 الف .. وصدقني هب خساره الموتر انته مستخدمه مستخدمهـ … ^^
   .
   .
   ولو محتاج اي آستفسـآر مايردكـ الا كيبوردكـ…
   .
   .
   آحممم .. ولو بالنسبه للعلامه الي تظهر الحمرآ مال التوآير .. او التنبيه الي شكله مثلث احمر .. هذا انته تروم تفصله شي زر تحت السكان .. تحت وفوق الدوآسات تضغط عليهـ يبند ” يسوي رستارت للسنسر ” .. ^^

2. هلا اخوي
   انا مثلك ماخذ نفس سيارتك وما صارلي شهر سرت عند عمر مشتاق.
   سوي عنده بس البرمجة الكامله (شاشة ونافيجيشن وتحويل الكيلو) 800 درهم اما الباقي يوم بتمشي فوق 100000 كيلو
   وانا بدل بعض هذي الشغلات عند كراج ربيعي فالشارجة واخذ مني 1500 مع السامان.
   بس انصحك بتبديل كل فلاتر السيارة والايلات مع اويل الجير.

   والله يعطيك خيرها انشالله

3. اولا الله يعطيك خيرها من سياره ويفكك من شرها
   بالنسبه للسياره الوارد تراها افضل بكثير من السياره الخليجيه سواء من جوده او مواصفات
   واذكر لك هالشي حسب خبرتي المتواضعه في برمجة سيارات اللكزس

   بالنسبه
   لتغيير
   زيت المكينه والفلتر هذا شي طبيعي
   وتبدل سير التايم اذا ماشيه اكثر من 100الف كيلو مثل ما ذكروا الاخوان
   وتبدل ماي الرديتر عشان الحين حر وصيف
   وتبدل التواير تركب نوع بريجستون gr33 او gr 80
   طبعا هذي خاصه باللكزس وكاله
   بالنسبه لبرمجة الخرائط موجوده عندي
   اصدار 2007 بسعر 335درهم
   واصدار 2009 ب535درهم
   تبنيد الليت النهاري الامامي ب200درهم
   برمجة وتحديث كمبيوتر السياره وكشف جميع الاعطال الكهربائيه والغاءهم عشان تروح علامة التعجب وغيرها ب150درهم
   واي برمجه ثانيه بحسبهالك مجانيه مثل برمجة الدبه اذا نسيت المفتاح داخلها تفتح
   او برمجة الابواب تقفل مع تعشيق القير
   وغيره من البرمجيات

   يعني ان حبيت كلها تطلع ب885درهم واذا تبي اصدار 2007 تطلع لك 685درهم
   والشغل مضمون 100%100
   تحويل عداد الحراره والميل الى كيلو ما انصحك تسويه لان الحراره اللي فوق المكيف تراها تبقى فهرنهايت وعداد السرعه بالميل يعني بس اللي تغير الرقم تحت

   اذا حبيت تشتري قطع غيار لا تروح وكاله ولا شي
   روح للحمادي او ماجلان وعلى فكره سعر قطع الغيار اللكزس الامريكيه نفس الخليجيه بس فيه بعض الفروقات والسعر لصالح اللكزس الامريكي
   يعني مثل الانوار الاماميه للكزس الامريكي ارخص بوايد من اللكزس الخليجي
   ومحل سميره اللي بالشارقه واذا طلب منك رقم الشاسي كلمني وارسلك لأي واحد فيهم ويعطيك اللي تبي وهو يضحك

   ان عجبك العرض هذا رقمي
   00966509967776
   بوعلي-السعوديه
   تقريبا كل ويكند اكون بالامارات
   تقدر ترسل لي مسج
   وان ماعجبك العرض دعوتك لي بالتوفيق اهم من اي شي

4. أخووي السلام عليك …
   انا الصراحة ما ازيد على كلام أخوي OLD LOVE انا ابيع سيارات امريكية صارلي 6 سنوات والحمد لله سوقهن ماشي وانا استخدم وحدة موديل 2005 … بالنسبة للتشييكات التي ذكرها لك الميكانيكي اشياء مستهلكة مثل الآيل والفلاتر يعني اذا بدلتهن يمكن اكون من مصلحتك لانك تبا تستخدم والرنجات مثل ما ذكر لك اخوي اولد لاف .. اما بالنسبة للايت الاحمر هذا يعتمد على شو مكتوب لك بس حاول يوم اتشغل السيارة تضغط على الفص اللي على يمين السكان جنب مكان تشغيل السيارة بتحصل فصين واحد منهن مكتوب عليه RESET تم ضاغط عيه وانت اتشغل السيارة لمدة 10 ثواني الى 20 ثانية وانشاء الله بتنحل المشكلة ..

   محمد بالحاي

Comments are closed.