السلام عليكم أخواني أهل البحر ….
أخوكم يديد على البحر و ودي نشارككم الوانسه و معروف و ناسة البحر مالها حدود …
شو رايكم في الطراد Sea Ray 205 Sport لواحد مبتدئ و يديد على البحر … هل تنصحون فيه .. حد عنده مثل هالطراد …
هذا اللنك فيه معلومات عن الطراد
Sport Boats : 2009 Sea Ray International
و هذي صورة للطراد …
أخواني لا تبخلون علي بخبرتكم …… و ان صار و اشتريت الطراد .. منو بيتبرع و بيعلمني عليه …
و سلامتكم …
أخوكم بو عبدالرحمن
كفيت ووفيت الشيخ و ما قصرت …
اتمنى اني فدتك في ردي لك ع الخاص =)
بالتوفيق
إن شــاء الله أهل الخبرة يفيدونك
مرحبا الشيخ ما قصرت ….
بالنسبه لاستخداماتي سحب التيوبات و التنقل بين الجزر …
اما بالنسبه للصيد هذا موضوعه كبير … و مب وقته الحين …
و بما انك الخبير ما بتقصر ويانا ….
شكرا …
مرحبا الغالي
حياك الله في عالم البحر والعشق بلا نهايه
اول شي لازم تحدد شو استخدام الطراد هل لممارسة الرياضات البحريه مثل التزلق على الالواح او سحب التيوبات بانواعها
او للصيد والحداق او للتنقل بين الجزر والدلع
المهم الطراد السي راي الي حاط صورته لممارسة الرياضات البحريه
اما بالنسبه للزورق وقيادته فكلها مسالة وقت وتعود واول ما تبتدي في سواقة الطراد بتحس انك خايف وقت الباركنك والخروج بس بعدين بتتعود المهم تحتفظ بالهدوء وانته تتعامل ويا الطراد
والله يوفقك انشاالله