استفسار لاصحاب ( الفتك ) التخطيط…

11 thoughts on “استفسار لاصحاب ( الفتك ) التخطيط…”

1. السلام عليكم ..

   مرحبا يا طويل العمر ..

   نصيحة من أخ إلى أخ

   خذ الاصلي ولا اتركّب التجاري …

   هناك فرق بالسعر من وكالة لين وكالة ومن قطع غيار إلى قطع غيار …

   سعر التخطيط كامل .. سوبر سفاري 2008-2009

   في وكالة المسعود اللي بالعين احيده قبل 3 شهور ب 1500 درهم انا شريت حق واحد من الربع ….

   في وكالة العربية اللي ب الفجيرة بتلاقيه ب 1900 درهم .. استغلال ابصراحه

   في وكالة العربية اللي ب خورفكان = 1760 درهم

   في وكالة العربية اللي في دبا الفجيرة = 1800 درهم

   في وكالة العربية اللي ب دبي = 1750 درهم

   في محل قطع الغيار (( الاعتصام )) في دبي = 1600 درهم

   ابصراحه من وكالة لين وكالة فرق بالسعر ماتردي شو السالفه …

   والاحسن انّك تاخذه من المسعووود لانه التخطيط ارخص من وكالة الشركة العربية ..

   او لو تاخذه من قطع غيار في بوظبي والا العين بتحصله ارخص عن الوكالة ….

   والسموحه منك هذا اللي اقدر افيدك فيه ..

   لاني انا ركّبت حق موتري … وخذت حق اربيعي وشفت الاسعار وعرفت خرابيط الوكالات بالاسعار ..

   .. طبعاً السعر مندون تركيب …

   التركيب عليك ..

   والاحسن انك اتركبه بمحل زينة شغله مظبوووط لانه التركيب سهل ومايباله وايد

   وسعر التركيب تقريباً 150 درهم الى 200 درهم …

   بس نصيحتي لك .. أوّل شي يوم بتجلع تخطيط موترك الجديم … الاحسن انك اتسير واتسويله بولش عدل عسب يمسحوون آثار التخطيط الجديم .. وعقب سير ركّب التخطيط اليديد …

   والسموحه منكم

2. صناعية هيلي ف العين

   محل اسمه المهلب نسخه من الوكالة شكله تقول الأصلي ما ينكر ب 400 مع التركيب

   وشي محل على يمينة ما اذكر شو اسمه عنده تخطيط تجاري ب 150 درهم مع التركيب

3. وعليكم السلام ورحمة الله وبركاته

   نصيحه يا أخوي لاتركب غير الأصلي التجاري ردي في كل شي

   أما الأصلي ماعليه كلام وتحس بموترك وكاله فيه

   وأنا شاريه من ماجلان بـ 1400 درهم

   

4. ركب الاصلي لانه التجاري مافيه لمعه و ينعرف انه تجاري
   الاصلي سعره فيه

5. انصحك انك تاخذ الاصلي وتبعد عن التقليد ..
   انا كنت مركب التقليد وتم فتره .. ويوم شليته في فرق بالصبغه ..
   سويت بولش الماني .. وبعده معلم ع البدي .

Comments are closed.