استفسار لهذا الاطار

7 thoughts on “استفسار لهذا الاطار”

1. انا ركبت برجستون جي ار 80 مافيه صوت وهوه اوكيه لاكن من امشي فوق 220 السيار تسير يمين يسار مع ان الميزانيه اوكيه ورجعت ونزلتهن وبعتهن على واحد ورجعت التواير القبليه عليه اللي هيه من نوع بوتنزا جي 009 مش موجوده بالامارات صنع امريكي ثبات عالكيف لاكن صوت من يوم هن يداد يطلعن صوت والله الواحد يحتار مايعرف شو يركب واليوكوهاما بعد نفس الشي واحد قالي ركبتهن وكملت شهرين وطلعن صوت ماينفعن ظنكم شو احسن تاير ثبات وصوت ماشي ويتحمل سرعه عاليه؟ انتظر ردوودكم

2. أعتقد هذا برجستون أدرينالين

   وهذا مسوين له بروحه موقع كامل على الانترنت

   بس كله كلام فاضي

   أفضل نوعية وعن تجربة الميشلان

3. عندك بريلي و ميشلان و يوكوهما طالع هالفتره بس مقارنة بالبرجستون أسعاره أفضل و خدمه أفضل و أنا مركب بوتنزا 003 بال 3000 درهم و عطاني نيتروجين ببلاش وصوت ماشي لين الحين و الله أعلم جان بايظهر بعد وقت و سويت تيست عليه 280 km من رادار ل رادار و أكوي و قالي ريال يتحمل لين 300km و أعتقد بايفيد الربع و هذا للعلم
   ولمعرفة معنى الرموز على الإطار قد يفيدك هذا :

   J يتحمل سرعة قصوى مقدارها 100 كم/ساعة.
   K يتحمل سرعة قصوى مقدارها 110 كم/ساعة.
   L يتحمل سرعة قصوى مقدارها 120 كم/ساعة.
   M يتحمل سرعة قصوى مقدارها 130 كم/ساعة.
   N يتحمل سرعة قصوى مقدارها 140 كم/ساعة.
   P يتحمل سرعة قصوى مقدارها 150 كم/ساعة.
   Q يتحمل سرعة قصوى مقدارها 160 كم/ساعة.
   R يتحمل سرعة قصوى مقدارها 170 كم/ساعة.
   S يتحمل سرعة قصوى مقدارها 180 كم/ساعة.
   T يتحمل سرعة قصوى مقدارها 190 كم/ساعة.
   H يتحمل سرعة قصوى مقدارها 210 كم/ساعة.
   VR يتحمل سرعة قصوى مقدارها 210 كم/ساعة.
   ZR يتحمل سرعة قصوى مقدارها 240 كم/ساعة.
   V يتحمل سرعة قصوى مقدارها 240 كم/ساعة.
   W يتحمل سرعة قصوى مقدارها 270 كم/ساعة

   منقول

4. كله كلام فاضي انا صدقت واشتريت تورنزا 80 على اساس مافيه صوت طلع خرط بخرط ازعاج قوي وصوت الشارع جنه استيريو خسارة فلوس على الفاضي

5. بوتنزاااا

   احيد من فتره من طلعين عنهاا اعلان

   انهاا من احسن التواير بالاضاافه اذا نقع التاير

   مايسويلك ذييك الربشه يمكن بس هزه بسييطه

   وان شاء الله الاخوان يفيدوونك اكثر

Comments are closed.