[ استفسار ] : مشروع مطبعة + طلب شخص فاهم في امر المطابع

11 thoughts on “[ استفسار ] : مشروع مطبعة + طلب شخص فاهم في امر المطابع”

1. اخي الحبيب ..
   من خلال خبرتي وتعاملي مع المطابع منذ فترة طويلة
   اعطيك ملخص

   المطبعة منجم ذهب
   تقدر تدخل ملايين سنوياً

   السؤال ؟ انت من تستهدف ؟؟
   هل الفئات الكبيرة كالوزارات والمؤسسات الحكومية والشركات الكبيره ؟

   ام الفئات المتوسطة والناس العاديين ؟

   على حسب الفئة تكون تجهيزاتك ..

   انا مثلاً ما اتعامل الا مع مطبعة بشروط معينه ::
   تكون تخلص الشغل بسرعه >> مثلاً مجله من ٢٠ صفحة بعضهم يقولون اسبوع وبعضهم ٣ ايام !!

   نكون دقة الطباعة عالية وخصوصاً في العلب والشغل اللي فيه تلصيق وتقطيع يكون الشكل النهائي راقي في كامل الكمية
   لان البعض لان عنده عدد قليل من العمال لما افحص الكميه الاقي وايد اشيا تكون اي كلام ..

   يكون السعر منافس وهذا يعتمد على علاقاتك في توريد المواد

   نقطه مهمه :: اسعارك يجب ان تختلف على حسب الزبون
   لما تتعامل مع شخص عادي لا تربح وايد واكسبه لانه راح يستمر معاك .. ولو كان الربح قليل ما راح تخسر عالاقل راح تمشي المخزون اللي عندك
   لكن لما تتعامل مع شركات راح يكون ربحك اكثر بس بعد لازم تفهم السوق صح عسب تحط اسعار منافسه

   اغلب المطابع اللي ما يكون فيها مصمم مبدع مب مجرد ينفذ التصميم يكون عنده مهاره الافكار الابداعيه بهالطريقه تكسب وايد من الزباين اللي راح يعتمدونك في كل اشغالهم

   لازم في البدايه تكون متواجد في المشروع ولا تعتمد عالمهندس بروحه ..

   لا تنسى مع مرور الوقت راح تحتاج لاكثر من مصمم

   ونصيحه بخصوص الطابعات لا تاخذ شي رخيص وصيني لانه ما راح يدوم وايد الا اذا كنت ناوي تبدا خفيف وبعدين تطور

   انصحك تاخذ اعلى المواصفات لان هذا راح يظهر بشكل واضح على مطبوعاتك ويخليني غصبن عني اتعامل معاك ^^

   وايد عندي اشياء ..
   بس انتظر استفساراتك واذا في شي حاضرين

   ع فكره انا قريب بفتح مكتب للتصميم والطباعه .. وراح اتعامل معاك لو عجبتني اسعارك وشغلك

   اتمنى لك التوفيق

   ما قلت لي وين بتكون مطبعتك ؟؟؟؟

2. تبغي شخص فاهم في امر المطابع من اي ناحيه اخوي ؟

   أهلاً عزيزي ..

   أشكركـ على ردكـ الطيب ..

   عزيزي ..
   أبى شخص يكون فاهم في أمور المطبعة من حيث (احتياجاتها , إدارتها , دراية في كيفية العمل على الطابعات , عنده خلفية في التعامل مع مشاكل الطابعات .. الخ) ..

   هذي أمثله للأشخاص الي أبحث عنهم : (( هذي اقتباسات لبعض الناس الي سبق لهم العمل في المطابع ))

   ————————————-

   فني تجليد ( المقص )
   طباع على مكائن الاوفست الصيني وغيره
   طباع سلك سكرين
   فني اختام مطاطية
   مصمم على برنامج الكورلد درو

   ————————————-
   شخص ثاني :
   ————————————-

   الخبرة :
   ١- عملت باحدي المطابع قسم المونتاج (مونتاج – زنكات – تصوير ميكانيكي )
   ٢- ثم انتقلت الي قسم التجليد
   ٣- ثم اشتغلت علي ماكينة gto
   ٤- بعدها مهندس جودة في مطابع كثيرة
   ٥- انتقلت لشركة دعاية واعلان (مهندس انتاج و جودة
   ٦- اعمل الان مدير تنفيذي في شركة malti national
   الخبرة :٨ سنوات في مجال الدعاية والاعلان

   ————————————-
   شخص ثالث (أو مثال ثالث) :
   ————————————-

   المؤهلات العلمية حاصل علي دبلوم المدارس الثانوية الصناعية
   الخبرة العملية العمل في كبرى شركات صيانة أجهزة الكمبيوتر بالمنصورة
   نيو فيجن للكمبيوتر صيانة Hard Ware and Soft Ware
   العمل فى شركة او ميجا للكمبيوتر صيانة Hard Ware and Soft Ware
   العمل فى مطبعة النهضة بالمنصورة أخصائي فني طباعة سلك أسكرين
   العمل في مطبعة عنتر أخصائي فني طباعة سلك أسكرين
   الدورات دورات كمبيوتر دورة ICDL
   صيانة Hard Ware and Soft Ware
   المهارات أخصائي فني طباعة سلك أسكرين أو الطباعة بالشاشة الحريرية ( شبلونة )
   شهادة من شركة T B Z المصرية بالكفاءة في طباعة السلك أسكرين
   الاحتراف في برنامج ميكروسوفت وورد ( Microsoft word )

   ————————————-

   يعني شغلات مثل هذي ..
   على أساس إني ماراح أكون متواجد دائماً في المطبعة .. وراح أسلمه الشغل وهو يدير باقي العمال والمطبعة ..

   أحترامي

3. تبغي شخص فاهم في امر المطابع من اي ناحيه اخوي ؟

4. بسم الله الرحمن الرحيم
   السلام عليكم ورحمة الله وبركاته
   اخوي لا انصحك في الوقت الحالي تاسيس مطبعه لكن اصبر بعض الوقت يمكن احصل لك مطبعه للبيع
   بس ممكن كم ميزانية مشروعك لاستطيغ المساعدة
   واي استفسار تواصل معي 0506319916
   موفق بإذن الله … لك مني أجمل تحية .

   مشكور عزيزي على التوضيح ..
   وكلامك بحطه في الحسبان .. وبتواصل وياك فالقريب إن شاء الله

5. ..

Comments are closed.