السلام عليكم
ممكن حد يفيدنا كيفية أو تسلسل اجراءات الشحن واستيراد البضائع من الصين إلى الامارات ، أبغي استورد بضاعة من الصين لكن في ناس نصحوني اني اروح الصين أفضل
اذا حد يقدر يفيدنا ، بموقع مكاتب الشحن والأفضل
8 thoughts on “استفسار __(((( طريقة استيراد بضاعة من الصين وإلى الإمارات)))))”
Comments are closed.
يا اخويه تقدر بنفسك تطلب من المواقع الصينيه…يعني لا تعتمد على حد عشان يكون طرف بينك وبينهم بالذات اذا كنت ناوي تييب بظاعه لان بجذي بتوفر على نفسك عمولة الوسيط…..انا اسوي جي وتوصلني الحمدالله طلبيتي…بس اهم شي تتأكد وتاكد على الكواليتي
مشكورين أخواني …. وماقصرتوا
السلام عليكم اخوي نيسان …
اتمنى انه معلوماتي تفيدك …. تقدر تستورد البضاعة عن طريق البنك عشان تتاكد منها وما تخسر فلوسك …. خاصة ان كانت كمية كبيرة …
اتصل للبنوك واسالهم عن L/C ما عندي معلومات كافية عنها فا يستحسن تسال بنفسك ….letter of credit ….. بنك المشرق يسويها واغلب التجار والموردين يستخدمونها ….
جزاك الله خيرا …. لكن التعامل مع الصينيين شي صعب .. أنا حصلت مكتب شحن وشخص عربي … لكن شي يخوف الصراحة
اخوي انا ويا الناس هذي بعد انصحك تروح الصين و بنفسك تورد البضاعه و لا تعتمد على حد من المكاتب الشحن في الصين ,,, تأكد بنفسك انه البضاعه هي الي تلف و ترسل حتى تشحن و بعدها ارجع البلاد … انا اعتدت كثيرا على مثل هذه المكاتب و لكن البضاعه كانت توصلني بس مش نفس الي طالبنها … اطلب تلفزينات و توصلني جراجات نوكيا .. اطلب العاب و توصلني اجهزه ثانيه فلازم انته بنفسك تشرف على الشراء و عملية الشحن لا تأمن الصينيين