السلام عليكم ورحمه الله وبركاته
اخواني بغيت مساعدتكم بخصوص ايفون الصيني كوبي درجة اولي اللي ماتفرق بينه وبين الاصلي
بغيت اعرف وين احصله وبكم ينباع بالسوق
وهل تنصوحوني فيه ولا؟؟
للي مجرب ممكن يخبرني شو يفرق عن الاصلي بالضبط
لان انعرض علي واحد ب1000درهم
هل السعر مناسب؟؟
انا عندي تلفون نوكيا وحبيت اخذ الايفون الكوبي كشكل وليس للمواصفات اللي فيه
والسموحة على كثره الاسئله
ومشكورين مقــدمــا
دوري وبتحصلين ان شاء الله لان الجديم ومستعمل هذا سعره الحين مابين 1000 الى 1300 مثل ماقال اخوي هادف
وخلج بعيد عن التلفونات الصينيه لانها ماتنفع
<<< اسألي مجرب ^_^
والله ياخوي مادري المشكله
صاحبه قالي ماخذنه ب1500 وحلف
وش يفهمني بهالسوالف
<<<<اهئ اهئ
بس غرني شكله لوووول
وثانيا انا شفت بالمنتدى الايفون المستعمل الجديم ينباع ب2000
واليديد مايحتاي اقول 5000 وطالع
فقلت 1000 من مناسب للكوبي مالهـ
المهم الله يهنينا فيه ومايطلع يخترب بعد يومين
1000 درهم وصيني ؟؟؟؟؟!!!!!!
لو بألف جان خذتلي ايفون اصلي مستعمل 8gb ونظيف بعد لووول
المهم الله يوفقج اختي
اخوي ورسان الله يبارك فيه
ومشكور يالطيب عالمرور
اخوي هادف شوف الخاص
انا عندي كوبي رقم واحد و السعر 525 درهم شامل التوصيل
بس التلفون شكليا نفس الاصلي المينيو يفرق عنه بكثير
و ثانيا انتي وايد غالي ماخذتنه بالف انزين المستعمل بين 1300 الى 1800 درهم
و موفقه ان شالله