السلام عليكم ورحمة الله وبركاته
شباب ابى استورد سياره من الخارج من امريكا او المانيا كيف الطريقه
؟؟
يعني بالظبط من وين اقدر اشوف السياير ؟؟
هل من مواقع البيع والشراء ولا مواقع الشركات ولا لازم اسافر عسبت اشوف السياره ؟؟
واذا كان عندكم مواقع ياريت تحطونها لي لو سمحتووواا
وابى اعرف كيف اوصل السياره للامارات عن طريق شو هل عن طريق الجو ولا البحر وكيف اتفق وياهم ؟؟
وكم بياخذون مني
ويوم توصل الجمارك كيف اخلص السالفه ؟؟
وكم قيمة الضريبه او الي المبلغ الي ياخذونه ؟؟؟
يعني للي عنده خبره بها المجال ما يبخل علينا لاني ناوي اخذ سياره من برع … بس اخاف فلوسي تروح على الفاضي واخر شي اتبهدل ؟؟
ممكن مساعدتكم شباب ؟؟
شكرا اخواني على الردود
بس اذا واحد يبى يتاجر لازم يسافر ويشوف السياره ولا في حد اتفق وياه يقدر يشوفلي السياره اذا زينه ولا لا ؟؟
كلم الاخت ون بيرسون
one-person
ها ملفها في المنتدى دش و تواصل وياها
ان شاء الله ما بتقصــر وياك
شي ما شفته لا تشتريه
لا يهمك الشخص الي يقولك أسوي معك عقد وكلام فاضي
أي شخص يسوي عقود لما يأخذ الفلوس يقولك بلل العقد وأشرب مويته
الشي الي مو قدام عيونك لا تغامر
انا واحد قد نصب علي حسبي الله عليه قالي عقد وكلام فاضي وصدقته
بس انتبه لا تدفع ولا فلس لما تكون السيارة قدام عيونك
بعضهم يغريك تكون السيارة موديل حديث وبسعر مغري بس يقولك ادفع 10% من قيمة السيارة كعربون
ويأخذ الفلوس ولا تشوفه
حنا في السعودية في مؤسسة أستيراد سيارات من أمريكا جمع من الناس مليون ونص
وقام سكر المؤسسة وهرب خارج السعودية
الحين ما سلمنا من عيال البلد نسلم من الأجانب
خليها على ربك هالزمن في بعض الناس ما يخافون من الله
الفلوس تعمي عيونه ما يدري بكرة بينحط في حفرة صغيرة بيلعن الساعة الي اخذ فيها فلس حراااام
هذا الكلام من واقع تجربه
موفق بإذن الله … لك مني أجمل تحية .
وانا بعد نفس الاسئلة