السلالام عليكم

انا بكتب الموضوع هذا ليستفيد منه كل من يبحث عن رقم ثلاثي لامارة دبي ..
الارقام الثنائيه اتفقنا انها فوق الـ مليونين نازل 100 الف طالع 100 الف هاي الاسعار للثنائي
بس اسعار الثلاثي كالتالي حسب اخر مزاد وحسب السوق وحسب قرائتي له :

اول شي اتشوف الكود اذا كان A B C فهو اغلى شي انا مابتكلم عن الكود واايد
بتكلم عن الرقم نفسه وبختصار ..

ثاني شي اتشوف الرقم اذا تحت الـ 500 او فوقها ,
اذا الرقم تحت الـ 500 سعره غير اغلى عن اذا كان فوقها ..

واذا فيه واحد شرات 518 او 761 او 391 بعد سعره غير

رقم ثلاثي تحت الـ 500 وفيه 0 سعره غير

و ثلاثي شرات 465 او 735 او 395 بعد سعره غير

اذا ثلاثي ولا رقم متشابه ولا فيه 0 او 1 او 5 هذا العادي سعره
في حدود 180 الى 190 حاليا حسب المزاد الاخير واذا تواجدة فيه النقاط اعلاه فالسعر يتغير …

ثلاثي تحت الـ 200 مثال 197 او 128 هذا سعره صار معروف حاليا فوق الـ 300 الف درهم

ثلاثي تحت الـ 300 مثال 219 او 274 تقريبا صار معروف فوق الـ 220 الف درهم

انا لو اتكلم عن الثلاثي مابخلص ارجو ان تعم الفائده على الجميع وانا اتكلم
عن السوق في هذا الوقت شو دراكم يمكن يصير سعر الثلاثي قربيا اي رقم كان فوق الـ 200 الف ..

الاسعار حاليا للثلاثي يبدا من 180,000 تقريبا ..

واي سؤال انا حاظر وان شاء الله اقدر افيدكم اكثر ..

78 thoughts on “اسعار الارقام الثنائيه والثلاثيه حسب السوق حاليا ..”

  1. اسعار الارقام الثلاثيه والثنائيه معرووفه تقريبا فالسوق حاليا
    ومايبالها كلام

    الثنائي يتم تداوله حاليا بـ 2,350,000
    الى 2,500,000 للمنقع ثنائي ومنقع شرات 57 او 84
    و تحت هالاسعار مناسب جدا للشراء ..

    =================

    الارقام الثلاثيه يتم تداولها بـ 335,000 الى 350,000 حسب الرقم وشكله وهذا بعد بالنسبه للمنقع شرات 827 ,, 492 تحت هالسعر مناسب
    جدا جدا للشراء ..

  2. اخووووي عرفنا الواحد والصفر يوم يكون في الرقم سعره يكوون اعلى
    بس الخمسه ليش شراتهم شوو الفرق

  3. الوحداوي يامرحب والله ..
    جاوبك اخوي مال وسلطه في حدود الـ 300 الف
    اكثر من 300 الف يسوى مب تحت ..
    اذا تاجر بيشتريه منك اكيد بيعطيك سعر
    تحت عسب يبيعه فوق الـ 300 الف ..

    اخوي 2008 :
    نحن نتكلم عن الارقام الثلاثيه مب الرباعيه !!
    تسلم على المرور واي استفسار انا حاظر

    ..

Comments are closed.