السلام عليكم
انا حابه اشتري سياره واحترت وايد وقلت اتم على المرسيدس احسن
حبيت اسالكم شو احسن CL63 ولا CL65 موديل 2009 ؟
عارفه ان الاول 8 سلندر والثاني 12 سلندر بس اقصد من ناحيه القوه والاستعمال
واذا حبيت اشتريه بعد كم شهر بيوصلني ؟
وكم سعره ؟ سمعت انه بـ 700 تقريبا 
بلاقي لون احمر ؟
وبحصل فالوكاله رنجات Renntech ؟؟ واذا ماشي فالوكاله وين بلاقيهم وكم سعرهم ؟
مثل هذيل
وللعلم انا عندي E55 موديل 2005 ومسجل 2006 مكينه 55 مب كت
ماشي 41 الف كيلو بس ولونه رصاصي طبعا (بانوراما )
استعمالي الشخصي بدون حوداث ولا صبغ ابدا
وحابه اغيره لو يابلي سعر حلو 
نفس الي فالصوره بالضبط بس من فوق اسود
كم يسوى ؟
والسموحه ع الاساله الزايده هههه
السلام عليكم ورحمة الله وبركاته
اختي ..
اول شىء لازم تذكرين شو تبين بالموتر ..؟
قوة ؟
ولا فخامة ..؟
ولا صيانة رخيصة ؟
اسباب كثيره ..
على العموم .. اذا بنتكلم على ال سي ال
موتر كلمة تحفة شوي فيه .. ييي 4 انواع
Cl500 : في نظري الأفضل على الأطلاق بتقوليلي ليش .. خاظرين يوم تفكرين بالموتر .. من ناحية قوة.. موجوده مكينة 8 سلندر و حدود ال 380 حصان .. فخامة ممتازه ( مب مثل ال 63 و 65 حيث المواصفات الرياضية تكثر والسيتات الرياضية والحشره )
Cl600 : افخم من ال 500 وقوي جدا + انه 12 سلندر .. والي يشتريه .. يعلن انا انسان مب مال ريس بس احب الكشخه والفخامة وما ابى حشره وابى اكون مميزه وخقاق ب 12 سلندر (
اسمحولي اصحاب ال في 12 ) و طبعا انا ما انصح فيه لان محد يشتريه عقبج وسعره يدق + سامانه غالية
الحين دخلنا بالكلام الكبير
Cl63 : Amg يكفي انه Amg .. مكينة تدعسين فيها راسج يدوخ و كل ما تدعسين اكثر .. السياره تقولج افااااا هذا الي تقدرين عليه ..؟ هههه يعني طياره
Cl65 : .. للـــــــتمـــــــيز + القوة الخيالية ..!!!! وما اريد اعلق عليه .. لاني يبالي مجلة
نرجع نرتب الأوراق .. واقولج زبــــــــــــــــدة الكلام
نصيحتي Cl500 .. بكت مهما يكون واذا قلتيلي لو كنت مكانج .. بكت Amg وبكب ورى Cl500 Amg مافيها شىء سياره حلوه وفخمة .. وقوية .. وصيانتها مقارنة بالحبايب 63 و65 و 600 اقل بكثير .. ومرغوبة وايد
اتمنى اني فدتج بشىء
والسموحة
السلام عليكم
بخصوص اللون الاحمر بالطلب ويوصل بعد اربع اشهور
واي لون ثاني بعد ثلاث شهور
سعر ل 65 Cl بمليون وخمسين الف
انتي ليش معصبه
وليش هالرد ما قلته من قبل ؟
على العموم مشكور ..
بس ماعتقد انا يبت طاري الكامري .. لان اعتقد ماشي مقارنه بين الـي انا قلته وبين الكامري
وفر دمك الخفيف لنفسك
يقولك وانت بكرامه الحمار حمار لو ربى ويا الخيول مابيتغير ^_*
في ذمتيه مافيج حيله ههههههه ياقووووو انتي
الله يوفقج
اطلبيييه امره لاتتشاوريييين بعدد زوود