السلام عليكم
اخواني انا محتار صراحه بين هالثلاث سيايير
السييرا و السلفرادو مو مشكله واحد منهم يشبه الثاني مايفرق معاي
وطبعا اقصد الـ2500 بابين سنقل تاير ورقم واحد والموديل من 08 – 09
لكن هاليومين يا ف بالي التندرا وحبيت اعرف عنه وعن مواصفاته وشو رايكم ووين الاحسن ؟؟
طبعا التندرا ماعرف اسعارها مقارنة بالامريكي لكن لو نقول موديل 07 – 08 – 09 طبعا بابين ورقم واحد
افتوني ياجماعة الخير من ناحية السعر والشكل الداخلي والمواصفات
انتظر الرود الطيبه
اذا بتتكلم عن التندرا دبل كبينه عندك رقم واحد اللي تعتبر البلاتينيوم و هي الصراحه فيها فخامه بمعنى الكلمه موجودات في معارض العوير و عند بن حوفان في بوظبي ولكن الموديل اليديد ..
كقوه معروف ان التندرا اقوى ولكن كصرفية بترول الصراحه التندرا حدث ولا حرج صرفيتها صفر على الشمال مقارنة بالسييرا
واذا بتتكلم عن الشكل البلاتينيوم ماشالله شكلها الخارجي جميل جدا اما السييرا 2500 رقم واحد و رقم ثلاثه ما يفرق فالشكل الخارجي اللهم من الداخل ولكن الشي الايجابي ان اكسسوارات الجمس متوفره و بكثره في المحلات
اذا انته معزم على الجمس 2500 خذلك واحد من السعوديه من وكالة الجميح بيظهر عليك في حدود ال120 الفول اوبشن فتحه و كراسي جلد و شاشه و كيمره …الخ اما التندرا البلاتينيوم موديل 2008 بتظهر في حدود ال160 يمكن اقل شويه او اكثر
واذا في اي استفسار ثاني حاظرين
ارشح لك السلفرادو & السيرا 2500
والله ياخويه معرووف النندرا قوه واستخداام .!!
نحن عندنا 2007 والحينه بيكمل سنتين وماشي واايد ,, ماشالله علييه عمره ماشم ريحة الصناعيه والعنه لعااان من الخااطر
بس بدل تواير ايل فلتررر ودوووسه ,, معرووف حق استخداام ومكده مايرده شي