ورحمه الله وبركاته 
مو كل التماسيح يسوها معظمهم
هذى بعض كذبااااااات التماسيح على البنات معذورين خفيفات عقوووول اتمنى انها تعجبكم
1- حبيبتي تدرين والله انا ما عندى حركات الشبااب .. ما كلم بنات .. اصلا ما حب هالحركات .
” باااااااااين وانت كل بنات العالم يعرفونك “
2- ما دري حبيبتي احس اني اعرفك من زماااان
” لا يمكن ملخبط بينها وبين وحده كنت تعرفها اول … يمكن في شبه “
3-حبيبتي احس انك غير عن كل البناااات احس انك مختلفه وغير عنهم
” ليش فوق راسها ريشه ولا من كوكب تاني “
4- حبيبتي والله احس في اشياااء كثيرة انا وانتى نتشابه فيها .. كاننا شخص واحد
” سبحان الله اخوها في الاسلام لازم يكون في شبه هاهاهاااي “
5- يا ريتني يا قلبي عرفتك من زمان
” معليش كان عندك زحمه “
6- حبيبتي انتي تامرين قلبي امر .. كل اللي تقولينه البيه
” ايه في الاحلام اكيييد “
7- حياتي ابيك تتغطين عشان ما احد يشوفك غيري لاني اغار
” لا ياا حراااااام الغيرة حرقت قلبك حررق “
8- ابجي اخطبك من اهلك بس بعد ما اكون نفسي
” اجل من تكووووووون هع هع بس صح تكسر الخاطر فلوسك كلها على الجوال والسيارة وعزايم ربعك ووو الخ “
9- يا قلبي ابغى اشوفك باقرب وقت ما قدر على الشووووق اللي ذبحني
” يبغى اصحابه يتاكدو انها حلوة “
10- انا احب الشعر والقصايد ومن هواياتي الرسم والسباحة
” لا رومنسي الحبيب “
11- حبيبتي حطي في بالك ترى انا اذا احبيت حبيت من كل قلبي
” اقوووول بس اي قلب فيهم ؟؟؟”
12- علاقتي فيك محد يدري فيها ابد لانها تعتبر من اهم خصوصيااتي
” بس عادي كل ربعه يعرفو .. لانهم مو اي احد “
13- شكلي حبيبتي راح اطق لي جاكوار من الوكاله
” اذا مو هوندا موديل 76 من الحراج “
14- احتمال اروح سويسرا الصيف الجاااي
” ايه هين .. بس قولها الجوال ماهو معمم لانه ما يشتغل بالديره “
15- دايم اشترى عطوري من تناغرا
” الحمد لله والشكر “
16- لما اشوف رقمك في جوالي قلبي يفز من مكانه
” اكيييييييد .. خايف تكون كشفت ملاعيبك “
17- فلان قال لي اعطيه رقمك …. بس انا قلت له اقتلني قبل ما تاخذ رقمها مني
” ها ها هااااي يا مضحي انت شجاع .. هذا اذا مو كل الشباب يعرفو رقمها المسكينه “
18- حبيبتي ابغا صورتك اخليها عندي عشان قبل ما انام اشوفها واحطها تحت راسي وانام
” لا وانت الصاااااااادق عشان يوم ما تطفش منهااا تهددهااا “
19- اسف حياتي امس ما اتصلت عليك بس كنت مشغول مررررررة مع الدراسة
” بااااااااااين يا نيوتن انت “
20- تدرين حبيبتي انا دايما البنات في المجمع يطلبون رقمي … بس انا ما عطيهم انتى حبي
” ها ها هااي الترتيب الصحيح للجملة …… دايما انا الحق البنات بس ما يعطوني رقمهم “
21-والله حبيبتى كان ودي اجي عالموعد اليوم بس صارت ظروف صعبة جدا وما قدر اجيك
” ايه صح ؟؟ تذكر موعده مع خويته الثانية اللي واعدهاا 10 مرات وخلف وعده “
22- امس نمت .. طول الوقت افكر فيك .. اخذتي عقلي حبيبتي
” الا قصدك نمت وحلمت وشبعت نوووووم ولا تدري عنها اصلا “
23-انتى احلى بنت شفتها بحياتي ماظن القي احلى منك
” ليش متعرف على ملكة جمال الكون واحنا ما ندري ؟؟؟؟”
24- الظاهر بشترى كمبيوتر جديد . كمبيوتري صار له شهرين معاي وكمبيوتر اخوي ما يعجبني والكمبيوتر الثاني
ما تاقلمت معاااااااه
لا حد يزعل مني بس هذى بعض واشهر كذبه للتماسيح 
ان كيدهن لعظيم ….
محد يقدر على الحريم
هههههههههههههههههههه
ممممم
مشكورة يا سحلية على هذا التنبية
راح اعيد النظر في بعض الامور
عسب ما يتم كشفنا في المرات القادمة
ما يطلع للتماسيح السحالي اقوى
صواريخ الحريم
1- عيالي ما ياكلون
2- ريلي يموووت علي
3- معرسة وانا ياهل
4- انا من قبل كنت مزيونة و ضعيفة بس الحمل والولادة خربوا جسمي
5- مافي حد يصبر صبري
6- كل ما رحت لعرس خطبوني
7- أي حد يشوفني يقول صغيرة
8- محد يصدق ان هاي بنتي يتحرونها اختي
9- الخدامة للتنظيف مايخصها باليهال
10 – من زمان ما ظهرت من البيت.
11 – أخيط ثياب من عيد لعيد.
12 – العيشة اليوم ما طاحت بطني.
13 – محد ظهر علي من أهلي في طيبتي.
14 – اللي يشوفني يتحسبني أصغر وحدة من خواتي.
15- ريلي مول مايصرف عليه
16- راتبي كله ياخذه ريلي
17- انا احلى وحده في البيت
18- انا دلوعه الماما والبابا
19- انا كلي انوثه ودلال
20- انا شعري طويل وناعم وطبيعي
21- عيوني عسليه والكحل طبيعي
22- ملابسي كلهن من اوروبا ..وتلقونها شاريتنهن من سوق نايف …سوق الصنادق
23- عطوري طلبيات ومخلطات شيوخيه خاصه …وتلقونها حاطه عطر بخاخ مال السياره ..
24- انا حنطاويه برونزيه طررررررررر……..وهي صابه نص جالون صبغ ناشيونال مع الطحين الابيض …
25- جسمي غاوي ومرتب ترتوبيشن …….وتلقونها يا يابسه ناشفه …يا الكرش ضارب خارج الحدود
26- اونه عندي رقم مدفوعه عسب عامه الشعب …والخط للاهل والشخصيات المهمه …وتلقونها تدور رصيد
27- عنا في البيت معرض مواتر …دوم اتحير شو اسوق …..تيرسل ايجار …ودايو وارده …..
28- انا ما ابا اشتغل …لان الخير وايد ..وما فيني حيل انش الصبح..وتلقونها بطاليه مب محصله شغل …
29- انا ما اعرف آكل الا بالشوكه والسكين …وتلقونها تلحس ايدينها عقب كل أكله ….خخخخخخخ
30- من زود البشاكير عنا ..نفكر نسوي له منتخب كره قدم ….وهي طايحه في المطبخ والمغسله والحمام تخم وتجلي
وتغسل الجدوور مالهم ..ومال جيرانهم بعد…
31- اذا ما سرت الصالون كل يوم ..احس انه ناقصني شي ……حدها بليكريم الاحمر ..ومشط اخوها….
32- كل ما امل ..اسافر برع اغير جو …..وتلقونها ما تدل وين طريج المطار ….
33- الخطاطيب على الباب بالجمله ….وتلقونها معنسه ومحد يباها …..
34- انا كلي حنان ورقه وما ادري شنو ….وتلقونها دفشه وخريشه…
35- باباتي يابلي الموتر من الوكاله وماعيبني اللون (وهي حتى ليسن ماعندها)
36 -ربيعاتي كلهن يغارن مني (وهي حتى ربيعه وحده ماتتصل عليها)
37-ريلي قال بنسافر جنيف كم يوم نغير جو ( وهي ماتعرف جنيف عاصمه اي دوله )
38-خواتي كلهن ياخذون رايي فكل صغيره وكبيره ( وهي الكل لابسنها فالبيت)
39-راعيه الصالون تييني للبيت (تقصد بشكارتهم تسرح شعرها وتقص على ربيعاتها
40- أنا كان شعري طويل واايد بس حضرت عرس وعطوني بعين
41- عطوري طلبيات ومخلطات شيوخيه خاصه …وتلقونها حاطه عطر بخاخ مال السياره ..
42- اذا ما سرت الصالون كل يوم ..احس انه ناقصني شي ……حدها بليكريم الاحمر ..ومشط اخوها.…
مع الاعتذار لاخواتي عضوات المنتدى والمشرفات