اعاني من الام في اسفل الظهر ويصاحبها الم في الرجل اليسر مع تنميل القدمين 0000
ارجو المساعدة وكيفية علاجها رياضيا بدون جراحة0000 ولكم جزيل الشكر0

23 thoughts on “اصابة العمود الفقري( الديسك) 000

  1. السلام عليكم
    اخي الفاضل اولا اسال الله ان يشفيك
    ثانيا اخي والدي كان عندة نفس مشكلتك قبل 4 شهور ..
    من البيت الى المسجد ما كا ن يقدر يمشي سؤوله اشعة Mri وقالو له ديسك الفقرة الرابعه والثالثة ..
    وديناه تقريبا كل مستشفيات المعروفة في بوظبي ودبي وكلهم اتفقو على العملية وبصورة مستعجله..لكن في حد معارفنا نصحوه بالكية والله اخي ما شاء الله عليه الشيبة الحين ما يعاني من شيء لدرجة يوم الثلاث الماضي كان عندة مراجعة في مستشفى خليفة استغربو الجماعة اقصد الدكاترة 3 منهم وشكو ان الMRIالي جدامهم مو لهذا الشيبة الي جاي برجولة ..
    فانا نصيحتي ان لا تستعجل بالعملية وشوف الطب النبوي
    والله يشفيك ان شاء الله

  2. اجر وعافية اخي الكريم

    اخوي احيانا الحل الجراحي يكون هو الحل الوحيد ولو ان اغلبنا ما يفضل ها الحل

    لازم تشوف اكثر من استشاري…

    بصراحة الوالدة كانت تعاني من الام فظيعة بسبب الدسك.. وما فاد معاها الا الحل الجراحي ..

    سوت عملية في المستشفى الامريكي بدبي والحمدلله تحسنت حالتها كثير وراحت عنها الاوجاع

    ماتشوف شر اخوي

  3. السلام عليكم ورحمة الله وبركاته

    أخوي أنا قبل شهرين عملت جراحة للديسك في سنغافورة بالمستشفى العام السنغافوري بالفقرة الرابعه والثالثة ، قبل العملية كنت ما استطيع أني اقعد من الألم ولا اسوق السيارة وعندي ألم بالرجل اليمنى ومرات من كثر الألم كنت أروح الطواري بالمستشفى عشان يعطوني أبر مسكنه عشان ينتهي الألم لازم تكون أبرتين عشان اتخفف الالم وليس تنهيه بعد ، صراحه كانت معاناه في حياتي ، وما خليت مستشفى في الدوله وخارج الدولة ألا رحته ( الاردن ، الهند ) وكلهم قالو لي لازم جراحه ، وفي الاخير قررت أني أعمل العمليه و اتوجهت لسنغافورة على حساب الدولة وأجريت العملية لأنه هي المنال الاخير عشان تختفي الالام اللي منغصه على حياتي هناك لكن الدكتور لما فتح ظهري أكتشف أنه الحويصله أللي بين الفقرات مستويه نفس العظم لأنه الديسك عندي قديم ولا يستطيع أن يستأصلها ، وطلع الدكتور ذكي ، قام وحرر الاعصاب المسببه للألم ولم يلمس الحويصله اللي بين الفقرات ولا استأصل أي جزء منها والحمد لله في الاول والاخر والله لو اشكر ربي ليل نهار ما أوفي نعمته علي ، وبعد العمليه أنتهت كل الالام ولله الحمد ونصحني الدكتور بالمشي والجري الخفيف والسباحه لتقوية عضلات الظهر وعطاني ادوية لمدة ستة أشهر وهي عبارة عن فيتامينات للأعصاب ومقويه لها وفي الاخير العلاج الطبيعي صدقني ما منه فايده لأني جربته وحالتي ساءت اذكر مره الاستشاري بمستشفى خليفه في أبوظبي عطاني تمارين علاج طبيعي بعد ما سويتها قعدت في البيت اربعة ايام ما قدرت من كثر الالم اني اطلع من البيت مثل المسجون و الله يسامحه ونصيحتي الاخيرة لك لو فكرت تعمل الجراحه لا تعملها داخل الدوله نصيحه أخويه أبداً وحاول تطلب انك نجريها في الخارج واتمنى اني افدتك واذا بغيت اي استفسار تراني موجود ومع السلامه

    على فكره من أفضل المستشفيات في العالم في سنغافوة وهو حاصل على عدة شهادات عالميه في الصحه والرعايه

Comments are closed.