السلام عليكم ورحمة الله وبركاته ..
شحالكم ؟؟
يا اخواني انا محتار ابغي اخذ موتر وشكلي بعزم على FX50s 2010
طبعا هيه بعدها ما نزلت في الوكاله ولحد يعرف شو مواصفاتها او الاشياء اللي بتتغير
بس بواقع خبرتكم شرايكم في هالموتر ؟؟ شو هي مميزاته وشو عيوبه
قطع غياره كيف غاليه ولا مقبوله ؟؟ طبعا ما بسألكم عن قوتها بس شو تشوفونها
علما اني هب معرس <– لاني اعرف انكم بتقولون انها ضيقه بس دامني عزابي الامور سبهلله <– عيبتكم الكلمه هههههههههههه
انزين وغير هذا برايكم شو هو احلى لون للموتر
اخليكم مع صورة الموتر 2009 
39 thoughts on “اصحاب الانفنتي FX50s”
Comments are closed.
ريال شو تباها .. تحسها مركبة فضائية .. ما تعرف ويه السيارة جدام و لا ورى !!!! يا ريال ما تعرف شكلها جوتي ولا كاب !!!!!!! لا و بــ250 ألف !!! يعني ربع مليون !!! طالع السيارة و غمض عينك نص دقيقة و اسأل نفسك .. هل السيارة تسوي ربع مليون ؟؟ تحس سيارة مالها داعي ..
عموما أنا قاعد أسولف وياك .. اذا السيارة مقتنع فيها خذها و توكل على الله .. تحياتي لك ..
بشكل عام وسريع اقولك انه اهم قطع الغيار في الانفنتي والنيسان (قطع الغيار مثل البيرينج والدرامات وهاي السوالف) سعرها مرتين ونص اغلى من اللكزس والتويوتا. الانفنتي معروف عالميا انه مكينتها اقوى بس خراباتها الثانية وايده
اللكزس والتويوتا مكينتها شويه اضعف بس مافيها خرابات وايده والكل الناس يشهدون على هالشئ. بس الموتر الي تباه وايد قوي. ومريح والله يوفقك
السلام عليكم الغالي …
ما شاء الله عليها السياره …. فل فل أوبشن .. حلوه وشكلها يديد
ربيعي عنده وحده بس fx35 سته سلندر …. ما شاء الله نفقيشن و تبريد فالكراسي .. يعني السياره كامله و مكمله ….
ووايد مرتاح للسياره … ودومه يمدح فيها … ربي يحفظها له
بالنسبه للسيرفس سعره عادي … بس كل ما تسير لهم قولهم ايسوون دسكاونت … لأنه عادي يقولولك 2500 … و عقب الدسكاونت 1500 ….
و تراك بتاخذها يديده … ما عليها خوف .. دام شي ضمان من الوكاله ما عليك من شي … و تروم تجدد الضمان عقب ما يخلص …
و الألوان أنا أشوف أحلى لونين … الأبيض اللولو …. و الصحراوي … لأنه الصحراوي ما نزل الا على 2009 يعني يديد … بس نصيحه يوم تاخذها اصبغ القطعتين السود .. الي فالمدعميتين الأماميه و الخلفيه من تحت .. نفس لون السياره … تراها تفرق شكل السياره وايد …
في ملاحظه : سمعت الـ 8 سلندر الجديمه كان فيها مشكله … لكن الـ 6 ما فيها مشاكل لا جديمه ولا يديده
انته لو نويت خبرني بوديك عند واحد بينصحك و بيخبرك كل شي عن السياره … ريال يشتغل فالوكاله ويعرف السياره قطعه قطعه .. ^_^
ربي يوفقك الغالي
و مبروك مقدما
السيارة موجودة في وكالة المسعود
لابيض وايد حلو و اللي سمعت انه وايد اعطالها و تكون اعطال كهربائيه … بس عليها ضمان و الله يوفقك