السلام عليكم ورحمة الله وبركاته ..
شحالكم ؟؟
يا اخواني انا محتار ابغي اخذ موتر وشكلي بعزم على FX50s 2010
طبعا هيه بعدها ما نزلت في الوكاله ولحد يعرف شو مواصفاتها او الاشياء اللي بتتغير
بس بواقع خبرتكم شرايكم في هالموتر ؟؟ شو هي مميزاته وشو عيوبه
قطع غياره كيف غاليه ولا مقبوله ؟؟ طبعا ما بسألكم عن قوتها بس شو تشوفونها
علما اني هب معرس <– لاني اعرف انكم بتقولون انها ضيقه بس دامني عزابي الامور سبهلله <– عيبتكم الكلمه هههههههههههه
انزين وغير هذا برايكم شو هو احلى لون للموتر
اخليكم مع صورة الموتر 2009

39 thoughts on “اصحاب الانفنتي FX50s”

  1. بشكل عام وسريع اقولك انه اهم قطع الغيار في الانفنتي والنيسان (قطع الغيار مثل البيرينج والدرامات وهاي السوالف) سعرها مرتين ونص اغلى من اللكزس والتويوتا. الانفنتي معروف عالميا انه مكينتها اقوى بس خراباتها الثانية وايده

    اللكزس والتويوتا مكينتها شويه اضعف بس مافيها خرابات وايده والكل الناس يشهدون على هالشئ. بس الموتر الي تباه وايد قوي. ومريح والله يوفقك

    وانا من ضمن الناس اللي يشهدون بهالشي

    بس بصراحه اللكزس مافيها شي يجذبك غير شكلها

    يعني مواصفاتها مقارنه بالالماني ولا شي ( بعد الثرا عن الثريا )

    بس ميزتها مثل ما قالوا الشباب شيك في المخبا

    __________________

  2. السلام عليكم الغالي …

    ما شاء الله عليها السياره …. فل فل أوبشن .. حلوه وشكلها يديد

    ربيعي عنده وحده بس fx35 سته سلندر …. ما شاء الله نفقيشن و تبريد فالكراسي .. يعني السياره كامله و مكمله ….

    ووايد مرتاح للسياره … ودومه يمدح فيها … ربي يحفظها له

    بالنسبه للسيرفس سعره عادي … بس كل ما تسير لهم قولهم ايسوون دسكاونت … لأنه عادي يقولولك 2500 … و عقب الدسكاونت 1500 ….

    و تراك بتاخذها يديده … ما عليها خوف .. دام شي ضمان من الوكاله ما عليك من شي … و تروم تجدد الضمان عقب ما يخلص …

    و الألوان أنا أشوف أحلى لونين … الأبيض اللولو …. و الصحراوي … لأنه الصحراوي ما نزل الا على 2009 يعني يديد … بس نصيحه يوم تاخذها اصبغ القطعتين السود .. الي فالمدعميتين الأماميه و الخلفيه من تحت .. نفس لون السياره … تراها تفرق شكل السياره وايد …

    في ملاحظه : سمعت الـ 8 سلندر الجديمه كان فيها مشكله … لكن الـ 6 ما فيها مشاكل لا جديمه ولا يديده

    انته لو نويت خبرني بوديك عند واحد بينصحك و بيخبرك كل شي عن السياره … ريال يشتغل فالوكاله ويعرف السياره قطعه قطعه .. ^_^

    ربي يوفقك الغالي

    و مبروك مقدما

    وعليكم السلام ورحمة الله

    بصراحه يا خوي والله ما قصرت كفيت ووفيت

    الخمس دقايق اللي كتبت فيهم الرد وضحت لي امور كثيره

    الله يعطيك العافيه

    طبعا الالوان اللي عيبنك في الموتر بصراحه هم احلى لونين بالإضافه للأسود بس طبعا الكل يعرف مشكلة الاسود يبالك مغسلة سيارات في البيت

    بخصوص سعر الصيانه هو غالي بس لانها سياره تعتبر فخمه لازم قطع الغيار تكون غاليه بغض النضر عن اللكزس ( يعني مقارنة بالالماني والامريكي )

    انزين شو هي مشاكل ال8 سلندر لاني معزم على ال8

    وتقدر تعطيني رقم الريال بسويله تلفون بتخبره عن الموتر

    كثر خيرك يا aboojasem

  3. السيارة موجودة في وكالة المسعود

    اللي موجوده في الوكاله موديل 2009 وانا اطري 2010

    محد يعرف عن 2010 شي

    شكرا للتنبيه

  4. لابيض وايد حلو و اللي سمعت انه وايد اعطالها و تكون اعطال كهربائيه … بس عليها ضمان و الله يوفقك

    انا ما سمعت عن مثل هالاعطال

    جايز انا بتخبر عن هالنقطه واللي عنده معلومه يفيدنا

    ما تقصر والله

  5. موفق بإذن الله … لك مني أجمل تحية .

    اللون االأبيض واتوكل على الله .

    أو اللون الاسود بعد وايد حلوو بس بتغسّل وايد

    والموتر بصراحه فخامه وكل شي

    وسعره سعر استشين 8 سلندر فول اووبشن

    بس ياريال انتظر الموووتر اللي ذاليّنا عليه من زمان وللحين مانزل

    اللي هوو النيسان اليديد

    المهم بالتوفيج

Comments are closed.