السلام عليكم ورحمة الله وبركاته ..
شحالكم ؟؟
يا اخواني انا محتار ابغي اخذ موتر وشكلي بعزم على FX50s 2010
طبعا هيه بعدها ما نزلت في الوكاله ولحد يعرف شو مواصفاتها او الاشياء اللي بتتغير
بس بواقع خبرتكم شرايكم في هالموتر ؟؟ شو هي مميزاته وشو عيوبه
قطع غياره كيف غاليه ولا مقبوله ؟؟ طبعا ما بسألكم عن قوتها بس شو تشوفونها
علما اني هب معرس <– لاني اعرف انكم بتقولون انها ضيقه بس دامني عزابي الامور سبهلله <– عيبتكم الكلمه هههههههههههه
انزين وغير هذا برايكم شو هو احلى لون للموتر
اخليكم مع صورة الموتر 2009 
39 thoughts on “اصحاب الانفنتي FX50s”
Comments are closed.
الله يكبتبلك وتاخذ الموتر اللي فخاطرك
والله يعطي اخوك خير الموتر ويكفيه شره
وانا سرت الوكاله وتخبرتهم قالوا شهر 2 او 3
ونحن في الانتظار ……..
__________________
مشكلتها الوحيدة صوت السفايف لل8 سلندر بس يقولون مب في كل المواتر يعني انته وحظك بس اتوقع عدلو المشكلة اذا كانت الدفعة الجديدة
تنحل بس يبالها شوي عوار راس
و و احد يقول اونه الطفاية مالت السيارة اتطيح وهو مصري وانا الصراحة مب مقتنع في كلامه
شوف المكسيما انا اشوفها اوكيه موقتا four a cheapest price لين ما تعرس
ولا النيسان مورانو
لانك لو بتاخذ الاف اكس سعرها بيطيح بعد سنة ولا سنتين اكثر من المكسيما او المورانو
عندك بعد التاهو ال تي زد لتقول لي لا كبيرة ولا شي احسن من الاف اكس واللكزس
150 الف او اكثر بشوي
اخذ لي موتر مواصفاته مواصفات اف اكس وحتى لو مب مقتنع انها مب كبيرة باخذ لي سيارة هاتش باك صغيرة حق الدوام وبستانس في التاهو
والسيارات الباقيه مثل gs460 و is و es و rx حرام درهم واحد ادفعه فيهن
اوكي اذا ماتحب es او rx كيفك بس عن الـ gs اسمحلي سياره بكل معنى الكلمه
صدقني هاي احسن عن الانفينيتي الفورويل
مب كل شي قوة المكينه
اهم شي الراحه والقوه والفخامه والشكل بعد
لالكزس gs460 احسن عن الانفينيتي الفورويل
انا انصحك فيهااا
i’d go for it …. its a nice car and extremely powerful … you won’t regret it
شبابي و عملي ابنفس الوقت ..
btw… لا خرابات ولا شياته …
السياره هذي داخله خاطري من اول ما نزلت بس الحمد لله عندي سيارتي و مرتاح
واخوي ناوي يشتري سياره ودليته على هالسياره
وسار وسوا عليها تست درايف وقال هاي هي
وكان بياخذها بس 2009 والحين يتريا موديل 2010 ينزل وبيشتريها
يقولون 2010 بتنزل شهر 3 فالمسعود
والله اعلم