اصحاب الخبرة فالكراجات والتصليح (( فتك))

السلام عليكم

يا اخواني الطيبين

اريد كراج مثل شغل كراج عثمان . مع اني ماجربت كراج عثمان

انا اتصلت بكراج عثمان وقالي لازم اييب السيارة وبيفحصها ويبالها للفحص يوم كامل …

وابصراحه الشغله مايبالها فحص حق يوم كامل وانا ما احب ابيّت موتري فالكراج بس تعبت ومليت من كثر ما صرفت على الموتر
ومن كثر ما ضاع وقتي بسبب السيارة

اول شي بخبركم باللي اباه وعقب بخبركم بالسالفه ..

اسمع صوت من عقب ما احط الكير فالدي او R

يعني احط الجير .. وادوس بترول يطلعلي صوت طق طق … او طق مره وحده ..

من عقب ما ادوس بترول ..

وانا روّحت العين امس .. وخليتهم يجيكون .. وعقب معاناه قالولي الصووت فالدفريشن او البكرة اللي برع الدفريشن ..

وديته عند كراج ثاني ونزل تحت السيارة وتميت اعشّق القير فالدي وادوس بترول (( يعني كأني اسوي ريس وبريك وعقب اركبه بالريوس وعقب فالدي .. المهم الصووت كان يطلع كل حين ..

وقال اونه البيرنج مال الدفريشن فيه فضاوة ..

قلتله والحل قالي لازم بنَين يديد (( دفريشن يديد ) ..

هههههههه مع اني مركب الدفريشن ماصار له شهر ونص .. والله دفريشن يديد ..

وانا اعتقد انه الصووت بالبكرة الاخيره مال الشفت قبل ما يتلاقى مع البكرة مال الدفريشن ..

وابصراحه انا تعبت وعوّرني راسي من الفتك …

وعندي صووت فالبيرنج مال التاير اللي ورى الصووب اليمين ..

صوت فالربلة ماله تقريباً . وعانيت منها ..
وآخر شي عرفت انه من السيل مال البيرنق مال التاير …

وخليت واحد يبطل الدرام بالكامل وعقب سوّالي دبليو فوورتي وحطينا زيت

واختفا الصووت تقريباً 3 أسابيع اختفى بالكامل ..
بس للاسف امس رجع ظهر الصووت ..

يعني الحل لازم ابدل بيرنق والا سيل والا شو السالفه .. والله اتلعوزت

ياجماعة الخير .. الشغله يبالها مال كم ساعه بس ..

والعطل معرووف ..

بس ماريد كراج يقوول لازم السيارة اتبات عنده فالكراج ..

اريد اسير كراج شاطر وشغله نظيف ويخلّص الشغل بنفس اليوم ..

الله يخليّكم اللي عنده واسطه فكراج من الكراجات النظيفه يخبرني .. ولا تبخلون عليّه

انا اتصلت في كراج عثمان اللي فالشارجه .. والمشكله قال انه السيارة لازم اتبات فالكراج …

وعسب جذيه قلت مابوّدي الموتر حقه ..

بس لو حد عنده واسطه في كراج عثمان بعد يخبرني او يطرش لي رقمه عالخاص والا عالعام وانا بتصل فيه …

تنبيه : ماريد حد يقوولي اودي موتري (( ورشة حاجي )) اللي في دبي صناعية ام رمول ))

لاني اتعاملت معاه .. وعرفت شغله … وابصراحه من الاخير … يضرب عليك ضربه فالسعر ..

وشغله مال اي كلام والله .. وانا مجرب شغله .. وفوق هذا يلعب بالفواتير

ولو تبوني اخبركم بسوالف ورشة حاجي انا حاضر …
لانه موتري خاس عنده شهر ونص

وعقب ما شليت الموتر ههه كل يوم ارووح له اقوله صووت طلعلي من هنيه

وصووت هنيه

الربله متبطله

البراغي ناقصه

في اشياء ماشدلي اياها

والمشكله المسؤوول فالكراج قبل ما اودي الموتر كان يقوولي على ضمانتي
وانته بتشل الموتر من عندي وما بتشكي من شي مولية
وشغله نظيف والخ الخ

واخر شي كرهت الموووتر هههههههه كل يوم اضرب خط واسير الكراج اخليهم يعدلوون بعض الامور اللي مركبينها مال اي كلام

وابصراحه لاحظت انه اكثر العمال اللي عنده مال اي كلام وماعندهم الخبرة لهاك الزود

حتى بالصبغ طريقتهم تقليدية .. ومال اي كلام

وانا ما اقول هالكلام الا من الحرقه اللي فيني والله …

المشكله وايدين من الكراجات .. كل واحد يذم الكراج الثاني ويمدح نفسه ولكن بالأخير تنصدم واتعب عمرك عالفاضي ووقتك وبيزات

يمكن الموتر يكون زين ببعض الامور لكن مايرد شرات الوكاله

مستحيل من اللي اشووفه

لا صبغ مثل الناس ولا غيره

الربلات يركبونها غلط .. البراغي ناسين برغي والا اثنينه

الكليبات مايركبونها يركبوونلك اشياء ثانية بدالها وخرابيط في خرابيط والله

يا جماعة لو بتكلم ما بسكت من اللي شفته

بس والله اني مستعيل وانا اكتب الموضووع بعجاله من امري ..

والسموووووووحه