السلاام عليكم ورحمه الله وبركاته
شحالكم
اخواني بغيت اتخبركم بخصوص اصطباات الاستيشن
عندي الاصطباات الاماميه مضببه ( يعني اتحس جنه فيها ضباب ) وسويت لها تنظيف عند 3m وماشي فايده بعدها مضببه .. وسرت اكثر عن محل وبعد ماشي فاايده .. فقررت اني غيره الاصطبات
فتخبرت عن سعر الاصلياات … قالوا لي الوحده 700 درهم … يعني الثنتين 1400 درهم
عقب حصلت تجارياات .. شراات الاصلياات .. الثنتين بـ 600 درهم عند محل شمسه في بوظبي ( في شارع السلاام )
فـ شو تنصحوونيه ؟؟ يعني شي فرق بين الاصلياات والتجاريات وشو هل العيووب لو شي عيوب .. ويا ليت اتخبروونيه هل ممكن احصل اصلياات بسعر ارخص … ؟؟ والسموووحه منكم
للعلم الاستيشن 2006
خذ الاصليات
التجاريات عمرهن قصير ويوم بتغسل السياره يدخل الماي فيهن
عشان تضمن خل عنك محلات الزينه و روح اشتري الصطابات من الوكاله أبرك,,
ترى عادي تحصلهن أرخص عقب الخصم,, و بتطلع و انته مرتاح لأنها فكس برايز هب شرات محلات الزينه يرفون السعر تربل عشان حتى لو ضاربتهم عالسعر بيتمون ربحانين,,
و بعروف الاصلي أحسن عن التجاري… التجاري بيضبب عليك بسرعه خصوصا موسم الامطار جريب و اذا انته راعي بر عاد الغبره كلها داخل الصطاب,,
أما الاصلي شي مظبوط بس للضمان خلي اللي يركبلك اياه يسد الفراغات بالسيليكون و انته و الخير رباعه,,
الغالي انا عندي استيشن وابا اغير اصطاباته ونصحوني الشباب ب اصطابات الوكالة
الغالي ما عليك زوود ومشكوور ع الرد … وشكلها مضببه من الدااخل … ومشكوور ع التنبيه بخصوص التجاريات
واترياا الباجين شو يقولون عن الاسعار
مرحبا الساااع
يا طويل العمر بالنسبة للليتات الامامية …
شو السبب انها مضبّبة ؟؟؟
مضبّبة من الخارج ؟؟ والا من الداخل ؟؟
اذا من الخارج شي محلات ينظفوونها وبتكون اووكي
اما اذا اتحس انها مغبرة من الداخل ووصخة .. فالسبب اكيد انها الليتات فيها اماكن يدخل منها الوصخ والغبار والرطوبه والماي …
ونصيحتي لك لا اتركب ليتات تجارية …
ركب وكالة لو بتركب ….
التجارية حدها كم شهر وعقب بتغبّر والخ الخ
واذا ركبّت ليتات وكالة اتأكد من الغطاء الداخلي انه مسكّر وتأكّد من تركيب اللمبات بالطريقه الصحيحه عسب مايدش غبار ولا رطوبه ولا ماي يوم اتغسل السيارة …
وعقب انته والخير ارباعه ….