تكررت المواضيع من قبل اعضاء جدد يناشدونا وينشدونا وعلينا ننشر كل مافي جعبتنا
وكل اللي في جيوبنا ….. ملاحظيين ولا انا بس الملاحظه …. نوروني هل هو
تجسس عن هويتنا عن جامعاتنا وعن الوظايف وعن المعيشه وعن ثقافتنا و
والتقرير يشمل خدم المنازل والمربيااااات او لا ؟؟؟؟؟؟؟؟؟؟؟
والله ياختي مثل ما قالوا الأخوان اللي قبلي. اللي ينزّل المواضيع هذي مب شرط جدد، حتى القدامى يسوونها. و مافي عضو مُلزم إنه يشارك أو يعلّق.
و على شو يسؤلونهم و يتجسسون عليهم ؟!!!
ما شاء الله بعض الأعضاء على أقل شغله تستويله، ايينا و يخبرنا !!
الواحد منهم يوم يسير المول، عقبها بساعه يكتب موضوع عن سيرته !!
يسير البر، يكتب تقرير عن سيرته !!
يشتري تلفون، يكتب بطولات عن طريقته في المساومه !!
يشوف قطو عسيارته، يكتب موضوع عن القطو !!
يكح، يكتب موضوع عن بلاعيمه !!
يعني مثل ما يقولون، خريط ميمّع، تعال و تسمّع.
همسه،
أختي، أذكرج كنتي منزله إستفتاء عن أعمار الأعضاء. شو صار فيه ؟
السلام عليكم ورحمة الله وبركاته
اختيه احلام هند ,, انتي مش مجبووره تحدرين الموضووع تكتبين عن نفسج او مجبوره تضيفين رد ^_^
المواضيع يطرحها الاعضاء لمجرد المعرفه او للمساعده احيانا يعني ساعات يبون يستفسرون عن شي ويدوروون منو الي له نفس التخصص او نفس المجال او عنده خبره ولا تقدرين تقولين للترفيه عن النفس مش قصدهم ابا اعرف انتي شو او منو والخ ؟؟
واعتقد الاغلبيه ف هالموقع ماشاء الله كبار على مثل هذه الامور ,, فلو كان في نفس واحد فيهم شي بيي الخاص بيسأل ماله داعي يسأل جدام الكل ,,؟؟
وانتي اذا يضايقج مثل هالمواضيع او طرحها بإمكانج ما تحدرين تقرين او تعلقين ^_^
والسموحه ,,
اتفق معاج في رغبة البعض في نشر الغسيل ومب شرط من الاعضاء الجدد ..
ولكن اختلف معاج تماماً بأن هدفهم التجسس .. ولا أحبذ هذا النوع من الاعتقادات ..
وتقديم الحلول أفضل طرق العلاج لجميع مشاكلنا .. بدلاً من البحث عن كشف الاسرار والخبايا على الملا .. دون فؤاد تذكر ,,
شكراً أختي أحلام هند على الملاحظة المميزة ^_^
امممممممم ,,,, ربما ,,,,,,,,,,,,,
وضحي أكثر مافهمت مقصودج من الكلام الغاليييييييييه