السلام عليكم
شحالكم شباب .. البارحه يطولي بعماركم سرت مرور دبي عسب اتنازل عن موتريه والرقم
لاني ببيعه وانا ساير اتنازل قالي الضابط ان ارقام بوظبي معافيه عن تعاريف السالك يعني
لاسالك بعد الآن لووول .. مبروك لهل بوظبي وانا منهم واللي عليه
مخالفات سالك مش ملزوم يدفعهن .. ((فقط ارقام بوظبي )) وعلى فكره وايد من هل دبي
ظهروا ارقام بوظبي عشان مايدفعون سالك
حبيت ابشركم بس ..
اخوكم الرميثي ..

88 thoughts on “اعفاء لوحات بوظبي عن السالك”

  1. يزاك الله خيير يالرميثي

    وبصراحه كنت اجهل المعلومه

    وللعلم شاري سالك قبل مايتفعل بإسبوع وليومك هذا ماركبته

  2. اتصل على رقم 80072545 وخبرنا شو بيقولون لك
    انا قاعد اتصل ولين الحين محد رد عليه .. اخترت الاستفسارات العامه ..

    مشغوب الرميثات ,, ما اعتقد ان هيئة الطرق سوف تتخذ قرار اعفاء رسوم سالك لان تبعيات القرار صعبة منها علي ابسط مثال ممارسة من ممارسات التمييز العنصري ,, ثم تبعية اخري سوف تلحق القرار وهو الغاء ارقام دبي من قبل الجمهور ومن ثم التسجيل في امارة ابوظبي او باقي الامارات اذا شملها القرار ,,,وهذا بحد ذاتة سوف يكلف هيئة الطرق الكثير من الخسائر المادية ,,, اتمني بنقل الخبر الرسمي فقط

    ثانيا وهذة نصيحة اخوية بتغيير الصورة لأنها تحوي علي منكرات علبة سجاير مالبورو وصورة زجاجة الخمر

  3. والله حاله !!

    الحمد لله ما ردينا البلاد بعدنا ع هالبلاوي لاحقين

    بالتوفيج و يستاهلون اهل بوظبي

    بس

    ريلي يقول شوه ذنبهم اهل دبي

    اهل المكان رايحين رادين كل يوم يدفعون !!

    والله شي غريب .. ؟؟

    دبي بروحها متر في متر وبعد حاطين مليون جسر تعرفه !!

    امريكا بكبرها ما فيها كثر الي بيحطونهم في دبي هههههه

    ع العموم

    انشالله خير

Comments are closed.