السلام عليكم ورحمه الله وبركاته
من باب الافاده ، حبيت اعلمكم انه شي دورة تصوير في الشارجه ،،
اليوم كان اول يوم ، بس بعده باب التسجيل مفتوح ، الدورة بتكون من 7 ايام كل اثنين واربعاء ، المكان جمعية الامارت للتصوير ، حذال سوق العرصه ،،
في حالة الوقت مب مناسب ، شي بعد نفس الدوره بتكون في شهر 7 ،،،
وهاي خريطه الموقع
بعد ما اطوفون مسيد الشيعه خذوا ثاني دخله ، اللوحه كاتبين عليها مدخل الشيوخ وكبار الشخصيات ، انا دخلت هناك بس ما شي باركنق سيده ، لازم تلفون يمين يسار حق الباركنق، سوو شراتي دخلت سوق العرصه ومسكت لي هندي ايدلني وين الجمعيه ، لان منطقه التراث فيها مليون الف جمعيه ومتحف وبيت اثري ف بتضيعون شوي ،،،،
مرفق جدول الحصص للي حاب ،،
والسلام عليكم ورحمه الله وبركاته،،
اختي اذا ما عليج كلافه اسئليلي جان يسوون دورة مكياج ويكون شغلهم حلو
هذه المصطلحات بقوم بشرحها لاحقاً لأني في الدوام حالياً
القراءة مع التطبيق راح تضبط الأمور ان شاء الله
الآيزو كل ما صغر كل ما انحرم من دخول العسكرية
وفتح فتح يا باشا
لا تنسى تصور وانت تتجهه للبحر
احم الرقم غلط توه جيكت ، الرقم الصح 5688896 06
انا ما لخبطني الا الايزو وعمق الميدان ، قطيعه ما اقدر احفظ اذا زاد العمق زاد شي بس ما اتذكر شو ،،
والايزو كلما صغر ايسوي شي بس ما اتذكر شو ،،
صعب شوي يباله حد مفتح،،
اقولج هالحصان خايس مفرور على البحر .اول مره اشوف حصان هادينه محد يباه لووووووووووول
بنغالي ميودنه ويركب الصغاريه .. ويوم الياهل يركب عليه مايطيع يتحرك . ليش حصان مادري !!!
اقول بخاطري اركبه وادشبه بحر وافك العالم منه
بخصوص باجر مابقدر ارد الشارجه تعب الصراحه .
لكن بتصلبهم باجر وعسى خير وان شاء الله يقبلوني
واذا ماقبلوني بدعي عليج
..
كيمرتي احترافيه صدقج .
قلت اخذها واتعلم عليها احسن . قمت ادخل مواقع تصوير واستفيد شوي .
الصراحه تعقت عورني راسي من المصطلحات . الايزو والاحادي والشتر والفوكس وعمق الميدان
قلت بخاطري بلا عمق ميدان بلا شتر . حط صبعك على الزر وقوم صور
اقول باشو .. متاكده من الرقم . اشوفه 8 ارقام !!!