السلام عليكم ورحمه الله وبركاته ،،،
شي دورة للغة اليابانيه في المركز الثقافي الياباني-الاماراتي
للمرحلتين ، Beginner 1 و Beginner 2
الدورة بتبتدي بتاريخ 15-1-2011 لين 9-3-2011 (لمدة 10 اسابيع)
كل سبت من الساعه 10 لين الساعه 12
المكان Boy Scout Sharjah عند قصر الشيخ سلطان ،،
للتلاميذ 1000 درهم ولغيرهم 1200 درهم ،،
من تجربتي وايد ودودين ، ما احس بالضغط من الدراسه ووايد تعلمت بطريقه سهله واحس اقدر انطق كم جمله بثقه ،، ومن تجربتي اللغه اليابانيه اسهل بوايد من الفرنسيه،، انا عندي الفرنسيه كارثه طبيعيه ما قدرت اللقط اللغه دخلت وانا اعرف بونجور وطلعت وانا اعرف بونصوار هههههههه،، يمكن عشان المدرسه اتيب التوتر والضغط (معهد برليتز) ،،
المركز مب ربحي ابدا المبلغ يادوب ايكفي ايجار المكان لان عدد التلاميذ دايما ايكون حوالي 4 ،، المدرسات متزوجين من عرب ويبون يعرفون اللغه والثقافه اليابانيه لمجتمعنا ،، بس على العموم التجربه كانت ممتعه لكل محبين اللغه ،،،
وعلى فكره يوم السبت هذا شي احتفال في المركز بمناسبه العام الجديد في الاحتفال بيلعبون الالعاب اليابانيه والمدرسين بيقدمون السوشي على الطريقه اليابانيه الاصليه ،، الدعوه عام والرسوم 30 للكبار و10 للصغار ،،
وهذا موقعهم الاصلي UAE-JAPAN CULTURAL CENTER
اي سؤال او استفسار انا حاضره ،،
شـكــ وبارك الله فيك ـــرا لك … لك مني أجمل تحية .
هيه ما في مدارس او اي مساكن بس مركز الكشافه،،
المركز في نفس المنطقه للي فيها قصر الشيخ بس على الشارع ،، يعني اتشوف مركز الكشافه من العابر
هاي الخريطه حملتها
للتوضيح عند قصر الشيخ سلطان مافي مدارس او مساكن
يمكن تقصد صوب القراين ونوف شي مدارس هناااااك
بسم الله الرحمن الرحيم
شكرا باشو
ماشاء الله سباقة في امور العلم والثقافة
جزاك الله خيرا
شكلي بسجل بالدورة فبوظبي ^^