دخلت أحد مواقع الإعلانات وشفت هذا الاعلان اللي شد انتباهي
وهو :-
أنا طالبة في طب الأسنان بقى على تخرجي سنة بإذن الله و محتاجة لمرضى لمعالجتهم
و الخدمات التي نقدمها بالمجان و بإشراف دكاترة متخصصين بهالمجالات وهي كالتالي :
– فحص الأسنان و عمل خطة لعلاج كل مشاكل الأسنان
– تنظيف الأسنان
– حشوات نوعين ( أملغم رصاصية و أخرى بنفس لون الضرس )
– معالجة العصب
– عمل التاج ( الكراون ) بنفس لون السن
– عمل الجسور
– عمل طقم للأسنان ( كامل أو جزئي – ثابت أو متحرك )
للاستفسار و أخذ موعد الرجاء المراسلة ع الخاص أو عن طريق وحاطه ايميلها وانا حذته لأنه قوانين المنتدى ما تسمح
( لا تنسون تخبرون أهاليكم و ربعكم )
حافظوا على أسنانكم و زورونا
والصراحه أنا أحتاج علاج للعصب ولكن الدكتوره اللي أتعالج عندها مشغوله وايد اترياها تتصل بي عشان اسير اتعالج .. 
السؤال اللي يطرح نفسه ؟؟
هل ممكن تروحون تجربون عندها ؟؟
دعما” لها ومساعدتها على التخرج ولا دخل لي بالعلاج مجاني ؟؟
رأيي الشخصي … مستحيل الا اذا كنت أعرفها وواثق من شخصيتها لأني شفت برنامج يتكلمون فيه عن الثقه بالنفس والوظايف اللتي تتطلب الثقه
ومنها طبيب الأسنان
يا ريال من حلاة الأطبا اللي عندنا في العيادات يعني !
كلهم خرطي في خرطي.
على الأقل و إنته ساير عن هالطالبه، تدري إنك داش ريل في الدنيا و ريل في القبر.
مب إنك ساير عند دكتور (في عياده) و يطلع في النهايه متدرب. لااا، و بدون إشراف بعد.
هههههههههههههههههههه اذا مستغني عن عمرك توكل
اممممممممم…
اسير عندها عسب تتدرب على ضرووووســــــــــــــــي….
نحن يالله يالله بالعافيه انسير لطبيب الاسنان ونختار الطبيب الي على قولتهم ايده خفيفه من كثرر الخووف,,
بعد تبونا انسير عند وحده بتتعلم علينا,,
مستحييييييييييييييييييييييييل…
اخوي لا تحت اشراف ولا شي الواحد هالايام ما يثق في الاطباء المرخصين والله وانت وحظك … بعد اسير اورط نفسي بنفسي.
بسم الله الرحمن الرحيم
انا ما بنصحك اخي ،،،
انا بعرف انه الكلية توفر فرصة التدريب تحت اشراف اطباء على سبيل المثال كلية عجمان ويقصدها اصحاب الدخل المحدود لعمل اسنانهم عند طلبة السنة الأخيرة لكن كما قلت تحت اشراااااااااف.