مرحبا يا اخوان …
شدني امس نقاش كان بين الاخ بوشهاب المحلل الاساسي واح الاخوان المحللين الفنيين ما يحضرني
اسمه وكان النقاش حول اعمار كما هي العاده ..
اعمار هو محور نقاشات كل اهل الاسهم في مجالسهم ومنتدياتهم وطبعا هو الممدوح بلا منازع وهو القائد
المبجل سدد الله خطاه والويل والثبور لكل من لا يمدح القائد … لكن بعد كل هذا المدح نجد القائد لا
يحقق احلا م مادحيه في الوقت الي كل الاسهم ارتفعت بنسب تبدأ من 100% ولا تنتهي ب 400%
ابتداء من الدار وانتهاء بقياده السيارات …لماذا لم يتحرك؟؟؟ دعونا نبعد قليلا عن التحليلات الفنيه والاساسيه (التي لا انكر فضلها ابدا )
اذهب الي سوق اسهم او وسيط واسأل اي شخص موجود هناك ابتداء من السكيورتي وانتهاء بمدير
المكتب او مدير السوق شو احسن سهم في السوق بيجاوبونك اعمار اسأل لماذا بيعطوك
ماضي اعمار اعمار شركه قويه واعمار عندها ارباح واعمار عندها مشاريع الخ الخ ….
اسأل عن الجرافات محد يعرفها مع انها شركه حققت 300% ارتفاع اسأل عن قياده السيارات محد
يعرفها مع انه ارتفعت 500% …
الجماعه خلونا مع اعمار الماضي وهم دبلو فلوسهم مرات ومرات
الجميع يتكلم عن الماضي ولكن ولا واحد منهم يحاول ان يستكشف المستقبل
الجميع يفكر بطريقه تقليديه لهذا السبب لا احد منهم يربح ان يوم اتكلم عن الربح ما اتكلم عن 10 % ولا 20
% انا اتكلم عن 100% الى 500% نسب تغير حياتك وتخليك راعي اسهم ورتركبك فانتوم !!!
اي شي تحمله الشركه ونحن نرى النمو الفصلي والسنوي للشركه لا يتعدى 10 % في احسن الحالات
ابحث عن القطاع الواعد واسثمر مالك فيه وانسى الماضي لان الساعه لا تعود الى الوراء الا اذا اعدتها انت
فعلا سهم مقرف وممل ومتعب ويخليك تشطر ملابسك يا جماعة أنا من الناس اللي جرى وراء تقييم السهم وش أستفدت أشتريت ع 12.70 وها ف هالقراده أوف عن أبوه سهم ماراضي يطلع كأنه رجل مريض يباله عياله يجومونه من نومه!
بس أنا أتوقع راح يطلع خلال هالفترة القادمة أحس كذا والله أعلم.
هو أكيد راح يطلع بس متى مانعرف يمكن راح يطول ويمكن راح يطلع ف غضون فترة بسيطة.
يارب يطلع أملك 4000 سهم ف إعمار دعواتكم يارب.
تسلم اخوي مبارك على الطرح السليم والواقعي
آخر قعدة لنا معاك في شهر 6 / 2006
و كان اعمار وقتها 12 وكسور
و الآن بعد عامين تقريباً هو بين الـ 10 و 11 !!
فعلاً هو سهم مقرف و ممل
تحياتي لك
الغــــانم
اعمار يرفع السوق و ينزله .. الاسهم الثانية ما بترتفع 400 % اذا اعمار مارتفع و اذا نزل شوي تشوف الاسهم الثانية تنرش رش..
اعمار له وزنه الكبير حيث يأثر على مجرى سوق دبي و بوظبي.
بالنسبة لي اعمار سهم منحوس اشتريته ايام زمان ب 25 درهما وبعته قبل مدة باقل من 12 درهم
المشكلة ان السوق ما يتحرك بدون اعمار
شوف غدا الثلاثاء شو بيسوي اعمار بالسوق
بيطلعكم فوق 5500 نقطة
والجرافات ولا الدرايف ما يقدرن يرفعن غير نفسهن
لكن اعمار هو السوق ويوم يرتفع تشوف الناس كلها فرحانه
لا املك حاليا في اعمار ولا غير اعمار