اعمار متى بيوصل نقطة الارتداد

14 thoughts on “اعمار متى بيوصل نقطة الارتداد”

1. اختي business woman

   الارتداد هو ان يصل السهم الى نقطة دعم معينه ويولع اخضرعلى فوق ويبدأ السعر مره ثانيه يطلع وذلك لان في مستثمرين كبار يعني هوامير مو مثلنا ما يبونه ينزل اكثر من كذي ويقومون يقدمون طلباتهم يشترون عند سعر معين وقد شرحت في قسم االتحليل الفني نقاط الدعم والمقاومة يمكن ترجعيلها

2. فعلا سعر السهم ثابت على 5,5 من فترة

   اخواني ممكن تشرحون لنا اكثر عن مسالة الارتداد

3. السلام عليكم ورحمه الله وبركاته

   سهم اعمار راح يواصل نزوله لنهاية شهر ثمانية و الله اعلم

   و راح يرتفع ارتفاعات بسيطة خلال هالمدة لكن بعد ثمانية ان شاء الله يهل الخير 🙂

   لكن سهم اعمار موعده 2006 فاللي عنده فلوس و ما يعرف وش يسوي فيها

   شراء سهم اعمار على اخر 2005 و ان شاء الله راح يدبل او يمكن دبلين هذا للاستثمار

   لكن ما اعتقد ينزل تحت ال5.55 للفترة القادمة .

   هذا والله اعلم

   و تقبلوا تحياتي 🙂

4. انا معاك اخوى UAESM من يولع السهم اخضر اشترى واطمن ماعليه خوف

5. من الشارت اختي يتضح ان السهم عنده دعم على 5.60 او 5.55
   ان شاء الله من بكرة الارتداد
   بس مب شرط من الممكن ايكمل نزوله
   شركة اعمار ما عليها خوف بس صاحب السهم ينقهر يوم اشوف سهمه ينزل
   بس اختي اعتقد انه عندج خلفيه جيده عن الاسهم

   على العموم مثل ما قلت من الممكن ينزل اكثر اذا حابه تدخلين في السهم شوفيه بكرة اذا صار الارتداد ادخلي بنصف المبلغ
   وبعد بكرة بنصف الثاني اذا شفتي السهم طالع فوق ولا اتبيعين الا على 6 دراهم
   اذا نزل السهم كرري نفس الحركه مع اي ارتداد

   المشكله في المؤشرات العامه للسوقين كلها نازله
   افضل وقت للدخول لما اتشوف المؤشر العام بدا يرتد
   وفي نفس الوقت الاسهم القياديه صاعدة معاه
   في هذا الوقت ادخلي في اي سهم وانتي ان شاء الله في امان وراحة بال

   بالتوفيق للجميع

Comments are closed.