هذا العنوان يتداول جميع مشاريع اعمار وما هي قراراتها
هل سوف يتم توقيف بعض المشاريع ؟؟؟؟؟
هل سوف يتم الغاء بعض المشاريع ؟؟؟؟؟؟
هل هل ماهي اخر الاخبار وماهو المتوقع 
ارجوا من لديه معلومه اكيده يفيدنا 
الازمة المالية للحين ما انتهت
بالعكس خلال ثلاث اشهر راح تزيد هالمشكلة
والسالفة مب سالفة اعمار ونخيل
السالفة سالفة مئات الشركات العقارية في دبي
الشركات كانت تصمم المشروع وتعرضه للبيع على الخريطة والمشترين كثر وكل شخص يدفع 10% دفعه اولى بس هالشركات ماعندها القدرة المالية حتى تبني برج او مجمع سكني فكانت تاخذ هال10 % وتعطيها البنك وراح يحصلون على التمويل اللازم لبناء البرج ولكن بسبب ارتفاع اسعار مواد البناء ال10 % ماكانت تغطي الدفعه الاولى للبنوك فالشركات ما حصلت التمويل اللازم وبعد انخفاض اسعار المواد صارت الازمة المالية العالمية والبنوك ماقامت تمول المطورين فصاروا بورطه لا يعلم بها غير الله سبحانه وتعالى
الشي الثاني عندك اكثر من 2000 شخص تم الاستغناء عنهم وغالبيتهم موظفين بالشركات العقارية او موظفين بالبنوك وغالبيتهم عليهم اقساط سيارة وأجار بيت وكردت كارد وهالامور وعلى تفنيشهم البنوك راح تطالبهم بالديون المستحقه عليهم يعني المشكلة راح تزيد لنسبة كبيره من اللي ما بيحصلون وظيفه ثانيه
بخصوص الشركات الكبرى مثل اعمار ونخيل اللي لها دعم حكومي اعتقد انها بتأجل بعض المشاريع وبتحول السيوله على المشاريع الموجوده حتى تخلصها في اقرب فرصه وتستفيد من وراها خلال الفتره القادمة وبعدها بفتره لما يتعدل الوضع شوي راح تكمل باقي المشاريع
الله يستر