افتكيت من الفطيم

السلام عليكم ورحمة الله وبركاته اخوان شما

أول موضوع لي في المنتدى وببدي في وكالة الفطيم …

انا قررت اشتري لكزس lx 570 هذا الكلام في شهر سبعه 2008 رحت وكالة الفطيم عند واحد

اسمه ابو العينين تصدقون ياجماعة الخير يرمسني بأسلوب غير ..يعني من غير اهتمام

المهم خبرته اني ناوي اشتري اللكزس وفلوسي كاش قال لا تراجعني قبل 6 شهور حتى لا تتصل

وادفع 5000 درهم عربون المهم فكرت بالموضوع وقلت له خلاص بعطيك العربون بس السياره موديل

كم بتكون قال 2009 بس بليته 2008 .. يعني بالمختصر السياره بتوصل شهر واحد 2009 وبليته

2008 قلت له خلاص انا ابى بليته 2009 قال شهر 3 بتوصل قلت انا بصبر 6 شهور مب قادر

على شهرين المهم توكلت على الله وحجزت السياره على اساس بليته 2009

مرت الايام والشهور وانا في قائمة الانتضار وصار شهر واحد 2009 ولا ابو العينين يتصل

كيف حالك ياباشا ومن دهان السير سيارتك وصلت وانا بنفسي ضبطت لك كل شي

المهم انا الصراحه استغربت لانه قال 2009 بتوصل شهر ثلاثه المهم قلت له السياره كم موديلها

قال 2009 قلت البليته قال مافيش مشاكل 2008 مابتفرق قلت كيف اخذ سياره في واحد 2009

وهي بليته 2008 بصبر احسن لي قال بعدين ماراح تحصل سياره لان عليها طلب زياده قلت له

انا اعرف الستور مليان ومب عارفين شو تسون فيه المهم قال اخر كلام بتصبر لين شهر 3 قلت له هي

اخر كلام صكرت عنه وبعد يومين اتصلت فيني فلبينيه طبعا بالانجليزي تقول سيارتك وصلت وتعال استلمها

قلت لها خليها عندكم ما اباهاا وبنفس اليوم اتصل ابو العينين يخبرني السياره موجوده وأي لون تبى بعد

قلت كم سعرها قال 350 قلت له ليش بهوان يبيعها 340 قال اونه سياراتهم ماعليها ضمان قلت كيف ماعليها ضمان وعندهم ورشه في مصفح قال هذي الورشه غير قانونيه

ضحكت عليه قلت له خلاص ما بشتري من عندكم بروح بهوان احسن انا مش محتاج لكم فلوسي كاش

والسعر اللي يناسبني باخذه ومواصفاتهم احسن عنكم مليون مره قلت له خلاص ابى استرجع العربون

قال لي خلااص ماشي عربون يعني طاااااار استسلمت للأمر الواقع وقلت خلاص الله يعوضني

وباخذها من بهوان في شهر ثلاثه ..

وبعد كم يوم اتفاجئت بربيعي يخبرني انه استرجع العربون من الفطيم والعرون كان 1000 درهم

الصرااحه ما تحملت رحت الوكاله وقلت وين ابو العينين قالو مسافر في واحد اسمه يوسف بداله

رمست يوسف قال مافي مشكله بنرد لك العربون وبالكامل عطيته الوصل وامس وصل الشيك الحمد لله

رمست بهوان قال سعره الحينه 335 وتشيكات مجانا حتى 30000 طبعا انا راح اصبر لين شهر ثلاثه

شباب اي حد محطي عربون يروم يشله لا يقصون عليكم حتى لو 500 درهم خلو عيالكم يستفيدون منها

احسن عن الوكاله

واتمنى كل من يقرأ موضوعي أنه يدعي لي ان الله يوفقني واخذ السياره

والسموحه على الاطاله