افضل انتي فولينج للطراريد

20 thoughts on “افضل انتي فولينج للطراريد”

1. موفق بإذن الله … لك مني أجمل تحية .

2. هلا بالعزيز اخوي كل اسبوع احس انها وايد على التنظيف

   يعني كل 3 أسابيع او شهر ممكن وانا صابغ اللون الأبيض

   لكن شكلي باصبغ الأسود بس هل الصبغ اللي تحطه

   صبغ محلي ولا من برااا …؟

   مرحبا اخوي بو سعد

   هو مش اجباري كل اسبوع بس خلال اسبوع او اسبوعين يكون الشبا مثل الغبار على جسم الطراد و سهل يروح بمسحه بس

   لو خليته اكثر يصعب شوي بتحتاج ليف خشن تمسح به .. انا عن نفسي اتسلى بهالشي يوم انكون واقفين عالسيف . و على فكره الشبا يكون في امكان متفرقه مش على الطراد بالكامل يعني مسأله 15 دقيقه و الامور طيبه

   والله يا اخوي غلطتي ما سألت عن نوعيه الصبغ و من وين
   كنت متابع صيانه الطراد اول بأول لكن وقت صبغ الانتي فولنق كنت مسافر

   مش متأكد من النوعيه

3. تسلم ياخوى صحيح كلامك بس لابد من تخشين الطراد من اسفل
   خاصه اذا كان الطراد جديد والا الانتى فولنق ما بيمسك بالطراد
   من بولش القالب ( المولد ) واحسن طريقه اذا كان الطراد جديد ا
   ولا تنزله بالبحر لمدة اسبوع ثم ترفعه وتنظفه وتصبغه بهذه الطريقه
   لايحتاج الى تخشين

   وشو رايك يابو سعد بطراد royal craft 35 اللى شفته بالمارينا وسلامتكم

   الطراد بالمواصفات اللي شفتها مع اني من متابعين

   royal craft في هذا المنتدى الطيب ممتاز

   من كل النواحي نظريآ وانا ماجربته ولااستخدمته

   عمليآ < طلع دكتور مب بوسعد

   أخي كل المواصفات حلوه وانا شفته على القالوصه

   لكن شكلي باتعرف على صاحبه وباجربه فالبحر

   بس ودي اعرف كيف هو فالموج وثباته فالبحر

   هذا اللي ينقصني فيه فقط لاغير

   والله يوفقكم بهالطراريد الزينه وعن نفسي

   انا اشوف افضل الطراريد صقر الخليج +حالول

   من حيث الثبات فالبحر ومشهود لهم عند اخوانا اهل الطراريد

   لكن اعيوبهم الوحيده انهم يحتاجون الى مكاين اكبار وقويه

   عشان اتمشيهم على السرعه المطلوبه

   وان شاء الله اني اشوف الـ royal craft من أفضل الطراريد

4. السلام عليكم

   اول شي احب اشكر الاخ بوخليفه على هالمعلومات الطيبه
   و كلامك سليم 100%

   بخصوص اللون .. فعلا الالوان الغامغه مثل الاسود و الازرق ما يمسك فيها الشبا مثل الالوان الفاتحه بسبب امتصاص الحراره عندي جلف كرافت 33 صبغته انتي فولنق ابيض بعد ما كنت استخدم اللون الاسود على طرادات سابقه و تندمت

   ((اعتقد نوع الصبغ همبل مش متاكد ))

   في البدايه اللون كان رمادي قالي صاحب الورشه بعد ما ينزل البحر بيتغير ابيض بالكامل .. و لو ما تغير اصبغه مره ثانيه بأي لو تفضله .. طبعا برجعه الورشه و بصبغه اسود

   نزلته البحر الجزء اللي في الماي تغير ابيض و الجزء البسيط اللي على الجوانب و الصدر اللي يكون خارج الماي صار سماوي على أخضر فاتح.. عطاني لونين او ثلاثه في بعض الاماكن !!
   اللي لاحظته الشبا يمسك فيه اسرع من اللون الاسود اللي تعودنا عليه.. و اقل وصخ او آيل في المرينا يبين على اطراف الطراد .

   و حاليا اتبع نفس طريقه الاخ بو خليفه كل اسبوع تقريبا اغوص تحت الطراد و انظفه بقطعه اسفنج

   بالتوفيق اخوي بوسعد

   هلا بالعزيز اخوي كل اسبوع احس انها وايد على التنظيف

   يعني كل 3 أسابيع او شهر ممكن وانا صابغ اللون الأبيض

   لكن شكلي باصبغ الأسود بس هل الصبغ اللي تحطه

   صبغ محلي ولا من برااا …؟

Comments are closed.