السلام عليكم ورحمة الله وبركاته

والصلاة والسلام على اشرف المرسلين سيدنا محمد وعلى اله وصحبه وسلم

وبعد

اخواني طبعا ماشالله الربع هني كلهم مجربين السيارات وحبينا ناخذ فكرة عن سيارة سبورت

للاستخدام اليومي وارجو ان نسمع حسنات السيارة وسيئاتها والعيوب اللي ممكن تصادف المستخدم

وبعد لا ننسى معاملة الوكيل والصيانة

نوع السيارة:

الموديل:

الحسنات:

السيئات:

العيوب:

معاملة الوكيل بعد البيع:

تصلح لاستخدام اليومي او لا:

اي ملاحظات اخرى:

ويعطيكم العافية

49 thoughts on “افضل سيارة سبورت للاستخدام اليومي؟؟؟؟”

  3. مرسيدس E350 coupe او E500 coupe قويه وايد ورووعه وكواليتي ولا احلى وفخمه ومواصفات ع كيف كيفك
    BMW Z4 35is حلوه وقويه وايد بعد بس اصغر عن المرسيدس
    BMW 335is قويه وايد تون توربو ومظهرها حلو لو تطلبها بـ بدي M
    نيسان Z370 قويه وحلوه من داخل بس من برع مب لين هناك
    الكورفيت سياره قويه بس البدي بلاستك ومب آمن ومن داخل كواليتي الكورولا يمكن احسن
    اودي S5 سياره حلوه وقويه وعندك RS5 بتنزل ع اخر السنه تقريبا كـ موديل 2012 بتكون وايد قويه
    البورش 911 بـ انواعه كلهم حلوين وكل موديل اقوى عن الثاني بس التوربو صيانته مكلفه وعموما البورش صيانته غاليه

  4. اخوي شو رايك فالموستنق اليديد ؟؟ انا البارحه كنت فوكالة الطاير و شفت موستنق Roush جان سامع فيه ..

    الموتر ما كان ينباع فالدولة قبل بس هالمره يابو منه 14 حبه بس .. و ما بييبون غيره .. موتر 525 حصان سوبر جارج

    و عليه بدي كت خاص بالشركة و من داخل لونين اسود و اللون الثاني نفس لون السياره .. اللي فالشارجه فشارع الوحده

    دم الغزال و من داخل اسود و احمر و الثاني كحلي و من داخل اسود و كحلي .. الموتر معدل من كل النواحي .. هدرز فلتر

    سوبر جارج سسبنشن قير شفتر مال ريس تواير هاي برفورمنس كلجات .. يعني موتر مزود و جاهز من الوكالة و لو ال525 حصان

    مو مكفتنك ارفع البوست و صوته ماشالله يسمع فريج بس من داخل مب عالي ها الحلو .. اتلاحق عمرك جان تبا ..

    آآآآخ يا ريتني لو اشتغل بس .. بهالموتر لو الشرطي يوقفك ما بيقدر يخالفك لو عنده شي قوله سير اتفاهم ويا الوكاله هم جي مسوين انا شو يخصني !!

    شكله كم يسوى .. صوته كم يسوى .. وقفته كم تسوى .. قوته كم تسوى .. و الاحلى بس في منه 14 فالدولة يعني بتكون مميييييييييز ..

    و على فكره اقوى عن الشلبي لانه وزنه اخف بفرق محترم .. بدي الشلبي حديييييييييد عسب جي قوي بس مافيه عزم

  5. افا الحينه الافالون مب رياضية ؟

    واللومينا رياضية ؟

    كــــــــــيــــــــــــــــف

    أنا أزمط على اي حد عنده لومينا بالأفالون مالي من الصفر لين 100 كيلو بس

    لا تزعل من كلامي ياخوي .. بس انته تبا تداعس من 0 لين 100 ..؟؟

    تداعس ب ام شراع مثلا .؟؟

    و بعدين اذا يعني جي السالفه عادي بييبلك كرلا قير عادي بتروح عنك من 0 لين 100 .. هل هاذا معناته انه سبورت …؟؟؟

    و انا عندي لومينا اس اس .. اذا حبيت تجرب حياك ..

    الافالون تصنيفها مب رياضي ياخوك .. افهم فديت روحك

Comments are closed.