السلام عليكم ورحمة الله وبركاته

والصلاة والسلام على اشرف المرسلين سيدنا محمد وعلى اله وصحبه وسلم

وبعد

اخواني طبعا ماشالله الربع هني كلهم مجربين السيارات وحبينا ناخذ فكرة عن سيارة سبورت

للاستخدام اليومي وارجو ان نسمع حسنات السيارة وسيئاتها والعيوب اللي ممكن تصادف المستخدم

وبعد لا ننسى معاملة الوكيل والصيانة

نوع السيارة:

الموديل:

الحسنات:

السيئات:

العيوب:

معاملة الوكيل بعد البيع:

تصلح لاستخدام اليومي او لا:

اي ملاحظات اخرى:

ويعطيكم العافية

49 thoughts on “افضل سيارة سبورت للاستخدام اليومي؟؟؟؟”

  2. الانفنتي g37 كوبي موتر ممتاز من كل النواحي :

    قطع الغيار ، الصرفيه ، قوته معقوله بس يباله شوية ترتيبات ، فيه كراسي ورا ، اوبشن حلو ( نفجيشن ، كيمرا ، هارد دسك 9.3 gb و مدخل أي بود و aux ، سماعات bose سماعه 11 ، رادار حق تثبيت السرعه ) ، بريك قوي يمشيك 40 الف او اكثر بدون مشاكل ، مريح نوعاً ما ( هالشي الي ماحبيته فهالموتر فغيرت نظام السسبنشن كله و ركبت نوع قاسي شوي) واخر شي ياباني .
    طبعا الي عندي مواصفات امريكيه ما ادري اذا الخليجيه فيها هالاشيا .

    طبعاً عندك الموستنج 2011 اليديد 5.0 و الكورفت حلو بس عيبه ان فيه كرسيين يعني لازم يكون عندك موتر ثاني .

    ولك الخيار

  3. نوع السيارة: BMW – Z4 soft top

    الموديل: 2005

    الحسنات: سيارة عملية وشكلها حلو.. صرفيتها معقولة.. والأحلى انه كشف يعني حلوة حق الشتاء

    العيوب: الحمدلله من خذتها ما وجهتني اي عيوب أو مشاكل..

    معاملة الوكيل بعد البيع: جيدة جدا- شغلهم شوي غالي ولكن مضمون

    تصلح لاستخدام اليومي او لا: أنا أستخدمها يوميا و أضرب فيها خط كل اسبوع

    اي ملاحظات اخرى: إذا ناوي ع موتر سبورت لا تتردد.. الشكل اليديد وايد حلو


  5. البورش أفضل من الجي تي آر ..

    وأعطالها شبه معدومة ..
    وفي سيارة بديلة أثناء صيانة سيارتك ..

    جزاك الله خير….

    ننتظر آراء الاخرين

Comments are closed.