السلام عليكم
من واقع خبرتكم المتميزة اريد ان تساعدوني ارشادا وتوجيها ان شاء الله حيث انني بصدد طباعة كتاب خاص واريد ان استفسر عن افضل المطابع في الدولة
مطبعة جريدة البيان
مطبعة الغرير
مطبعة كلداري
مطبعة مبدعون
من حيث التعامل والسرعة في الانجاز والاداء والاسعار ايضا حطوا تحتها مليون خط احمر
تحياتي لكم
ام بشاير
السموحه بس أعتقد انه لازم تحصلين على تصريح طباعة كتاب
بتأكد لج من هالمعلومة بكره إذا الله أراد
واحفظي حقوقج الفكرية بعد في إجراء ع حسب اللي اعرفه
ومن المطابع المعروفه دار السويدي للطباعه
و إمبرينت
وفي موقع دليل أبوظبي التجاري بتلقين كل لي تحتاجينه بهذا الخصوص أو غيره
https://www.abudhabionlineservices.ae/
اول شي السلام عليكم ورحمة الله وبركاته
لفت انتباهي الاسم لانه اسم شخصيه عزيزه على قلبي
على العموم حبيت اساعدج ع حسب معرفتي المتواضعه في مثل هالامور
اول شي عزيزتي لازم تحديدين اهدافج من النشر هل هي تجارية مثلاً ؟
إذا نعم أنتي تبين أقل تكلفه مع جوده متوسطه عشان تعرضين الكتاب بسعر في متناول العامة خاصة في ظل الغلاء المعيشي إلي صاير
يعني الهدف لازم يحدد لانه يلعب دور في اختيار دار الطباعه والسعر
بالاضاقه إلى حجم الكتاب من اي حجم صغير (يعني كتاب جيب- كتاب متوسط كتاب كبير)
نوعية الاخراج و الطباعة فاخرة- ممتازة- متوسطة الجوده- عادية؟!
حددي المطلوب وهل عندج تصميم الكتاب ام انه المطبعه عليها التصميم و الطباعه ؟!
في طبيعة الحال لو كنتي موفره تصميم ومقتنعه فيه بيحاول مندوب المطبعه انه يقنعج انه غير صالح ويطلع فيها عيوب في بعض الاحيان كلامه يكون صحيح وغالياً يهدف من كلامه انج تكلفينهم بالتصميم بعد (يعني يبى بتكسب من وراج)
المهم انتي حددي كل هالمعلومات بالاضافة إلى أي معلومات اخرى تشوفين انها بتفيدج في الموضوع مثل عدد الصفحات و نوعية الغلاف مقوى- ناعم خشن- نوعية الطباعه وغيرها وقدمي طلب طباعه للمطابع وحطي شروطج في عقد عمل بينج وبينهم
يعني مثال انتي تبين 200 نسخه حالياً حطي شرط أنج إذا تبين طبعه ثانيه يتم توفيرها بسعر متفق عليه بينج وبينهم للنسخه ويوفر في مده أقصاها كذا
وانهم يتعهدون بأنه لن يتم طباعه أي نسخ خارج نطاق العقد المبرم بينكم
وانتي اصلاً يوم تتصلين بالمطابع تعرفين شو تسوين اطلبي نماذج لاعمالهم مع الاسعار وكاسريهم لانهم يرفعون السعر
ونصيحة توجهي إلى 5 مطابع كحد أدنى ومن خلال عروضهم اللي اطلبيها مكتوبه يعني مش كلام بس لانهم يغيرون رايهم ويقولون ماقلنا وما صار وما حصل ومتى وغيره من هالكلام
ومع كل عرض يوصلج قيمي أدائهم و عملهم على اساس الجودة و المده والسعر
ونصيحة السعر الغالي عمره ما كان يعني الجوده
وعشان تعرفين مدة جودة هالمطبعه من غيرها لا تطلبين بس نماذج لكتب مطبوعه عندهم شوفي الاشياء الثانيه و قيميهم بينج وبين نفسج من الزياره او القاء الاول وحطي لهم سجل مفاضله يعني من الافضل إلى الجيد جداً إلى الجيد
ومن هني توصلين إلى المطبعه اللي تشوفينها بتوفر لج الغرض المطلوب بالسعر اللي يناسبج
والسموحه
مهره
السلام عليكم ورحمة الله
في بالفجيرة مطبعة الاهلي وزارة التربية والتعليم تطبع من عندهم …………..واسعارهم اعتقد وايد مناسبة وبالتوفيق يارب
تعالى الى مصر و ريح بالك
مطابع و دور نشر كثيرة جدا , و بالمرة تتفسح و تزور مصر
arabxhost@hotmail.com
0020122822632
و شكرا
انا سمعت عن مطبعه الفجر
في أبوظبي
اسعارهم حلوه