السلام عليكم ورحمة الله وبركاته
بغيت اغسل سيارتي من الداخل والخارج يعني ابا ابطل الكراسي وكل شي فيه وينغسل لانه الموتر مشراي مستعمل وهو نظيف بس بغيت اغسله بعد
علما بان الموتر موجود فالعين ونوعه لكزس ال اس 430 في ناس تقول اسير عند مستر شاين واللي يداوم فيه اليمني اللي كان في محطة حفيت قبل وفي ناس تقول محطة بريجستون اللي عدال القصر الايطالي
انا ما يهمني المكان المهم احسن مكان
حتى لو برع العين اللي مجرب يقولي بارك الله فيكم سواء خارج او داخل يعني لاحد يقولي المكان الفلاني احسن يقولي احسن من الداخل والخارج ولا؟؟
والبوليش اللي يستخدمونه يسوي دواير وهالسوالف يعني ماريد يبين اني مسوية بوليش بس لمعة يعني تبين جنها يديدة تدرون اللون الاسود مشكلة
وشكرا
9 thoughts on “افضل مكان لغسيل وتلميع السيارات”
Comments are closed.
في محل اسمه بروتج في أبوظبي عدال وكالة Bmw في منطقة بين الجسرين
شغلهم ميه ميه ولا عليه كلام — يوم تدخلين عندهم ماتلاقين إلا رولز ريز ومايباخ وفراري ومرسدسات وكل انواع السيارات الفخمه
وعلى فكره الي يشتغلون عمال فلبنيين وسعرهم على الغسيل الداخلي بـ 500 درهم بس بوليش الخارجي غالي يوصل من 1500 لين 2000
بس صراحه بوليش بمعنا الكلمه وانا مجرب عندي رنج مغسلنه عندهم من داخل بس- وسيارتي بعد هيليس يعني اي شي يطبع فيه
طلع من عندهم تقولين وكاله واحسن بعد
هذا رقم تلفونهم :5585656-02
والسموحه على كثر الكلام ….؟
مستر شاين ما عليه رمسه انا جربت عنده اربع سيايير ومن يومين مظهر سيارتي من عنده شغله نظيف ولا تستوي دواير عالبدي و لمعته حلوه بس ما يغلف السياره
الصالون ب600 و الفورويل ب 700 من داخل ومن برا و فيه عنده نوع بوليش ثاني اسمه 3m يقول انه احسن عن العادي و اكيد اغلى بس انا ما جربته
مرحبا انا مجرب غسيل واحد في الصناعيه كان شغال في محطة حفيت متعامل اغسل كل سياراتنا عنده اسمه عبد الله روحي شوفي غسيله هذا رقمه0507132555 ومبروك السياره يعطيج خيرها ويكفيج شرها
ر اختي من هالناحية يردوولج الموتر وكاله يستخدموون موادي كيميكل ولو جلد يردوونه وكاله عندنا ستيشن أسود 2000 سويناله بوليش وتنظيف داخل وبرع والله انه تقوليين وكاله مره ولا نقطة وسخ بس لازم تخلينهم على راحتهم مب كلشوي تقوليلهم خلصو خلصو ودقييلهم .. والله يوفقج