سوبرا موديل 95 اللون اسود ملكي
من الداخل اسود قمة فالنظافة من الداخل والخارج
الماكينة 2jz تون توربو كل شي وكاله
القير 6 تباديل
اكزوز سستم وداون بايب وانتر كولر وتوربو تايمر وفلتر
السياره بدون حوادث ولا صبغ
السياره وارد امريكي يعني السكان مامحول يسار
لحد الان السياره اوراق جمارك مامسجله
يعني السياره بحالة الوكالة
ابي اعرف كم تسوا كم ينسام الموتر
أنا الي أعرفه أنه السوبرا وارد أمريكا تكوووون جاهزه سكان يسار مب يمين
الي تيك سكان يمين وارد اليابان
الأمريكيات T-top
تقريباً حدود 50 لأين 55 ألف
بس أنا عن نفسي حسب كلامك باخذها للأستعمال ب60 أو 65 ألف
لأنه المشكله ما تحصل موتر نظيف
أخوي السيارة اذا كانت وارد امريكا ,, بتشتريها غالية وبتبيعها رخيصة
لانة السيارة مرغوبة في امريكا .. يعني ع البراد اللي بيبيعها ما بيبيعها باقل من 100 الف درهم
لكن السيارة جيمتها فالبلاد من 40 لين 55 الف … يعني لا اتفكر تيبها حق تجارة .. حق استعمال اوكيك
والعكس صحيح .. في سيارات مب مرغوبة في امريكا ومرغوبة في بلادنا .. تشتريها رخيص وتبيعها بالغاالي
الخلاصة .. اذا خاطرك بالسيارة .. اتوكل على الله . ولا اتفكر فالسعر السيارة نظيفة
فضول!!….. كم مطلوب فيها السيارة؟؟ ع الخاص لو اتكرمت
يا جماعه لا تقيسون سعر الأمريكي بالياباني … لو كان الموتر ياباني بيكون سعره بين ال 25 و 30 الف … لاكن هذا امريكي و الأمريكي ايكون غالي شوفوا الأسعار على موقع ال autotrader