اخواني واخواتي اعضاء المنتدى الكرام
بغيتكم في خدمة .. عندي اغراض وابا اشحنها لجماعة في الاردن .. شوه الترتيب … لاني سألت الأرامكس … اول شي قالوا هات الفواتير … من وين اييب الفواتير ؟ ثاني شي السعر غااااالي وخاصه يعني السامان اللي بطرشه مب غالي هاك الزود وحرام يطلع لي الشحن اغلى عن الاغراض … ثالث شي مب كل شي اقدر اشحنه عن طريقهم في اشياء ما تتطرش …. ورابع شي سمعت انه من توصل الاردن بياخذون رسوم جمركيه … بس سمعت عن الشحن البري اللي يكون مع باصات السفر البريه .. يكون السعر ارخص بس يتأخر اشوي وماشي رسوم جمركية عليه …
ارجو انكم تفيدوني وبأسرع وقت لاني ابا الاغراض توصل الاردن قبل العيد واللي يعرف مكان فيه شحن بري ومكتبهم في الشارجه او عيمان او ام القيوين او راس الخيمة يا ريت يدلني عليييييه
السموحه على الاطاله والسموحه اذا موضوعي المفروض يكون في قسم ثاني
شـكــ وبارك الله فيكم ـــرا لكم … لكم مني أجمل تحية .
الحمدالله لقيت محل ………… يا جماعه شي محلات شحن كثيره في الشارجه اللي محتاج شحن بري للأردن او بلاد الشام
يروح في المنطقه اللي بالقرب من البريد المركزي في الشارجه .. ما اعرف اسم الشارع ولا المنطقه لاني من راس الخيمة …
وشكرا لمن ساعدني ولمن لم يساعدني
لك مني جزيل الشكر اخوي وان شاء الله في ميزان حسناتك .. الله يوفقك ويسهل عليك امورك مثل ما ساعدتني وسهلت علي امري..
بس يا ريت تقول لي جامع الملك فيصل وين يكون بالضبط لاني مو من الشارجه .. او حتى مكان معين معروف اقدر اسأل فيه اي شخص ويدلني عليه
اخوي العزيز
مكاتب الشحن البري موجوده عند جامع الملك فيصل في الشارقه
هي نفسها مكاتب السفريات بالباصات
اسم الشركات
المدني
الجميل
سفريات الشام
ومكاتب كثيره تروح عليهم وتتفاهم معاهم على كل شي وهم يوصلون الاغراض للاردن لسوريا
واي شي احنه حاضرين
يا جماعة الخير مافيه حد يعرف ؟؟؟؟؟؟؟؟؟؟؟؟؟؟؟
ولا رد ؟؟
ولا حد يعرف شركة شحن ؟؟
معقوله ؟؟
ولا فيه أي حد من الأردن هنيه ؟
مافيه حد عنده أهل في الأردن؟
ما فيه حد يقدر أقل شي يرفع الموضوع ؟؟؟؟؟؟؟؟؟؟؟؟؟؟؟؟؟؟؟؟؟؟
السلام عليكم ورحمة الله وبركاته