اخواني واخواتي اعضاء المنتدى الكرام
بغيتكم في خدمة .. عندي اغراض وابا اشحنها لجماعة في الاردن .. شوه الترتيب … لاني سألت الأرامكس … اول شي قالوا هات الفواتير … من وين اييب الفواتير ؟ ثاني شي السعر غااااالي وخاصه يعني السامان اللي بطرشه مب غالي هاك الزود وحرام يطلع لي الشحن اغلى عن الاغراض … ثالث شي مب كل شي اقدر اشحنه عن طريقهم في اشياء ما تتطرش …. ورابع شي سمعت انه من توصل الاردن بياخذون رسوم جمركيه … بس سمعت عن الشحن البري اللي يكون مع باصات السفر البريه .. يكون السعر ارخص بس يتأخر اشوي وماشي رسوم جمركية عليه …
ارجو انكم تفيدوني وبأسرع وقت لاني ابا الاغراض توصل الاردن قبل العيد واللي يعرف مكان فيه شحن بري ومكتبهم في الشارجه او عيمان او ام القيوين او راس الخيمة يا ريت يدلني عليييييه
السموحه على الاطاله والسموحه اذا موضوعي المفروض يكون في قسم ثاني
شـكــ وبارك الله فيكم ـــرا لكم … لكم مني أجمل تحية .
بالتوفيق ان شاء الله
واسف تأخرت بالرد عليك لانني لم ادخل على هذا الموضوع بوقتها
والمكان اللي ذكرته الك هو قرب البريد المركزي مقابل جامع الملك فيصل
الحمد لله انك وصلتله
وربنا ييسرلك امرك