اخواني البارحة في غرفة تجارة و صناعة ابوظبي كانت ندوة عن اقتصاد
الامارات في ظل الازمة و الندوة صوب و ما صرح بة حسن الشيخ رئيس
الدائرة المالية في دبي صوب اخر .
هذا الرجل كان صريح اكثر من الازم و كان واضح وقال بالحرف الواحد ان
الاندماج سيصل الى الدوائر و المؤسسات الحكومية و ان قانون الافلاس
سيطبق في الامارات مثل امريكا و ان الدولة في ازمة اقتصادية كبيرة .
و حقيقة كلامة صدم الكل في الجلسة و انا اعرف ان الرجل من افضل قيادات الدولة
و اخلصهم .
و اقتراحي انا موجهة الى الحكومة الرشيدة بدلا من تقليص الوظائف و دمج الدوائر
و عدم تعيين مواطنين لماذا لا نقلص الرواتب فكثيرا من المواطنين رواتبهم
عالية جداااااااااا و اتمنا ان تنخفض هذة الرواتب و نوزعها على البقية من
المواطنين ( مثال مواطن راتبة 70 الف و مواطن يتفنش من شغلة ليش ما
انزل راتب هذا الشخص الى 40 الف و 30 الف اعطيهن الشخص الذي
ستنهى خدماتة )
ما دري يا ليتكم تشاركون بالنقاش .
اي والله
كلامه صح
خلهم ينقصون رواتب المواطنين
مواطن يستلم 50 و60 و70 الف ليش ؟
شعره اشقر ؟
عيونه زرق ؟
راح ولا رد تراه مواطن
عطوه 5 الاف درهم وبيرمس يومين بالاذاعه يشتكي مره عند سالم الكعبي ومره عند ابوراشد وعقب خلاص بيرضى غصبا عنه بالواقع
وياليت لما يخفضون الرواتب يعطونها حق الانجليزي صاحب الشعر الاشقر والعيون الزرق وزيدوا رواتبهم ثلاث اضعاف ترى شعره ولون عيونه علامه من علامات الذكاء وهم اذكى من المواطنين بمية الف مره
…
شر البلية ما يضحك
لي عوده
^_^
ارجوكم لا تنشروا اشاعات
يعني رئيس الدولة الله يحفظه يطلع بتصريح وانتوا تنشروا كلام مغاير
هل عندم مصدر(مؤسسة رسمية مب شخص) او خبر عن جهة معينة حصل فيها ها الشي ؟؟
يعني اي دائرة حكومية واي شركة بتندمج ؟
وشو ينقصوا الرواتب ؟ على كيفكم ؟ صراحة ما يوظفوا في ها الفترة لين ما تتوضح الامور وبس الاستغناء عن الموظفين يخلق جو من البلبللة وعدم الاستقرار
وانا بسأل الاخوان سؤال ليش مستهينين بالاجانب؟ انا احتكيت بالخبراء من جميع الجنسيات في مجال عملي وصراحة يستاهلوا الرواتب ونص صح مب كلهم بس وايدين منهم تكون عندهم خبرات قيمة وما يعطوها لحد والطريقة الوحيدة هي اجتذابهم بالرواتب العالية
يعني الشركة اللي انا اشتغل فيها تتعامل مع شركات عالمية وتستعير موظفين منها بعقود مؤقتة لانها بحاجة لخبراتهم ومافي لا مواطن ولا وافد بمستواهم وهذي هي الحقيقة رضينا ام ابينا
بعدها في ناس تطالب برفع المعنوايات!!!!!!! …
شو نستفيد برفع معنوات هذا واقع ولازم نواجهه ، تأخر رواتب موظفين اكبر شركة في الدولة وهي تعتبر الحاضنه لاقتصاد الدولة….. انا ماراح اقول استغناء عن الموظفين الاجانب بل اقول الموظفين الغير الاكفاء سواء كان اجنبيا او مواطنا لانه والله في بعض الدوائر عندهم موظفين غير منتجين فقط متوظف لان فلانا خالة او عمة …..الخ
او تقليل رواتب مثل ما اسلفوا بعض الاخوة
الله يحفظ بلادنا من كل شر…
اشكرك اخي على طرح هذا الموظوع الي في غاية الاهمية
الحمدلله على كل حال
الله المستعان
ما ادري شوه قصدك بضرب مثال بموظفات البلديه وانهن عازبات!!! يمكن تقصد انهن هب محتايات كل هالراتب الكبير لانه ما عندهن اسره يصرفن عليها…..
بس ليش نظلم المواطنين الي صار راتبهم الحالي 80 الف او 90 الف …بجهدهم طبعا وبفضل زيادة الرواتب عشان يوظفون باقي المواطنين …..فيه حل ثاني وهوه الاستغناء عن الموظفين الغير مواطنين وتوظيف المواطنين >>>> اذا كانو بنفس الكفائه
واللحين العيشه صعبه وكل شي غالي ع المواطن يعني صارت ال70 الف ما تسوي شي شرات ال15 الف الي كانو ياخذونها قبل الغلاء
مشكلة المواطنين ما يرضون باي شغل يحصلونه براتب ضعيف يترين شغل براتب 20 الف وفوق ….لو دورو في الشركات الخاصه بيحصلون وبقدرون ع الاقل يكتسبون خبره تنفعهم خلاف عشان ينقبلون في الموسسات الي رواتبها عاليه
مافي شي ايي بالساهل
وشكرا لراعي الموضوع