كنت راح اتعرض لعمليه نصب بس عاد على كبير!!!!!!! اتصلبي واحد ويقول انه مدير شركه سفر وسياحه عالميه ولها افرع فكل انحاء العالم وطبعا قالولي تفضل عندنا لانك ربحت هديه قيمه وبعدها رحت وقابلوني في مكتب سفريات في الشارجه وكان المدير لابس كندوره وغتره وعقال وكان على سنجه 100؟؟؟ مع العلم انه وافد عربي للاسف!!!!!!!! وتخيل يريدوني اشتري جزيره اظن انها في فلامنجو على قولتهم بمبلغ 60000 درهم ادفع 20 والباقي اقساط ؟؟؟؟؟ المهم انا حسيت في اللعبه بس قلت والله انا اللي راح انصب عليكم !!!!!! ووقتها سيارتي فالمغسله قريب مكتبهم فقمت واتصلت فالهندي وقلت له بدل زيت وفلتر وخلا محل التلوين اللي عدالك يغير تلوين السياره والهندي ماصدق!!!!! وبعد شوي قلت لمديرهم انا موافق بس دفتر الشيكات في السياره والسياره في الغسيل !!!!!!فقالي خلاص الحين اطرش الموظف يجيبها وفعلا راح ودفع للمغسله ولراعي التلوين وجاب المفتاح وبعد ماقبضت المفتاح قلت له ثواني اجيب الدفتر ونت جهز عقد البيع وارجوك لانها لقطه وماريد افوتها ؟؟؟؟ والريال ماصدق ومن فرحته تخرطف وزين ماطاح على وجهه ؟؟واول مانزلت من البنايه غمضت عين وفتحت عين الا انا قدام بيتنا؟؟ ها ها ها والريال يدق ورديت عليه وقلت له (سمعت المثل الشعبي اللي يقول انقلب السحر على الساحر) ارجو منكم النتباه لهؤلاء النصابه ولاتكونو ساذجين لانهم يفرشو لكم الدنيا ورود ومخابيهم مافيا درهم واحد
والله انك ذيييييب هههههههههههههه
يليت الاخوان يتبهون لمثل ها الامور يا مكثرهم
يعطيك العافيه ياخوي
ما شاء الله عليك مب هين
هههههههههههههههههههههههههههههه ما شاء الله عليك ذيب والله يحفظ الجميع من هذيل الناصبين