السلام عليكم ورحمة الله وبركاته
طبعا اكيد تبون تعرفون اشقايل تكسبون 5000 عن كل 10,000 درهم !!!…
الجواب وبكل بساطة اني باخذ راس المال منكم وبشغله في ببيع وشراء العطور والدخون والعود وبعد 3 شهور بالضبط يعني بتاريخ 2 او 3 بالكثير من الشهر الرابع بيزاتكم بتكون عندكم مع راس المال طبعا ( بتقولولي ضمان راس المال ما يجوز ) اوكي انا معاكم اخواني لانه الخسارة شي وارد لكن انا الحمدلله احينه من 3 شهور وانا استثمر للاهل والمعارف والحمدلله ما خسرنا لانه الدخون والعطور هذيلا شي مستحيل تهبط بيت اماراتي او خليجي وما تلقاهن فيه يعني سوقهن ماشي 100 % والحمدلله .. وبخصوص الضمان بيكون فيه جيك بالمبلغ عشان حفظ الحقوق وتقدرون تشاركون بأي مبلغ من مضاعفات العشرة اخواني
وفالنا وفاكم التوفيج ان شاء الله واي استفسار انا حاضرة
السلام عليكم ورحمة الله وبركاته
اشحالكم اخواني وخواتي ربكم الا بخير وسهالة وما تشجون باس؟
اليوم 15/12/2007 ومثل ما وعدتكم انه فيه مفاجأة والكل أكييييييد يالس يتريا المفاجأة صح؟
المفاجأة عبارة عن مبلغ مالي حطيته في رصيد كل واحد من المساهمين طبعا هالمبلغ مب اربااااح ولكنه عربون شكر وامتنان لانكم كنتوا قد الثقة وفي نفس الوقت عيدية مني لكم بمناسبة قرب العيد وكل عام وانتوا بألف خير ويعلكم من عوادة العيد ان شاء الله
ادري انه المبلغ بسيط وما يرزا مقارنة مع طيبتكم واخلاقكم العالية بس عالاقل قلت اشكركم لانكم فعلا احرجتوني بتعاملكم الراقي يعني اللي حولي المبلغ قبل لا اطرشله الجيك واللي تعنا ويابلي المبلغ لين عندي واللي حولي المبلغ اول ما استلم الجيك واللي واللي … كل هذيلا ما يستاهلون الشكر؟ وحتى اللي تأخر في التسليم كان يتواصل معايه ويخبرني بظرفه بصراحة كلكم ما اتخيرون
شـكــــــــــراً
يا اروع مساهمين وتستاهلون الزوووود والله والمبلغ انا حولته اليوم وقالولي ان شاء الله باجر بيكون في حسابكم
والسموحة عالقصوووور
افا يعني مالحقنا المهم بالتوفيج اختي
ممكن التفاصيل الماليه مثل الشيكات والضمانات لاني ناوي ادخل وتسلمين على المجهود والله يوفقج
ام عبدالله
وبالتوفيق ان شاء الله
هههههههههههههه صدقج مخربط في التواريخ
يلا زلة كتابة خخخخخخخ