السلام عليكم ورحمة الله وبركاته
بداية اشكر عزيزتي الغالية (( عود معطر )) على سؤالها عني والله اتفديتج وايد اليوم يوم شفت الموضوع كلج خير وبركه الغاليه
طبعا غبت تقريبا 3 اسابيع عن المنتدى وانا كلي شوق لكم بس خلوني اخبركم وين كنت
طبعا اول اسبوع اتغير علي الجو ومرضت مرض اعوذ بالله منه حمى وكحه وزكام يعني هلكت في اسبوع ما طلعت مول من البيت وبعدين يتني سفره مفاجأه يعني كشته الى ام الدنيا مصر وياليتني ما سرت طلع الجو مب جوي يعني اللي يحب يلست القهاوي والسهر بتعيبه يعني مافيها طبيعة بالمره خاطري كنت امتع ناظري بشيره حلوه والا منظر حلو والا جو حلو واللي زاد ويعتي انه الجو كان في الامارات غاوي امطار وجو مغيم
على العموم بخليكم مع الصور اللي التقطتها في سفرتي اللي مدتها 10 ايام ورجعت بالاربعاء الفجر على مطار دبي والحمد لله
اتركم مع الصور
ملاحظه : بعض الصور مذييلة بتواريخ غلط والسبه الكاميرا شفرت يا الله شوفو واستانسو
هذا عصير برتقال فرش طبعا البارسل مالهم جيه في جيسه
وها الشوارما
هاي القرية الفرعونيه
اصبرو بكمل التقرير
ساحره ههههههههههههههه روحي استغربت والله من فتحت المنتدى عيني يت على الموضوع فديتا ما قصرت
كلكم خير وبركه والله
بس اتحمل تراني اطلع فليل هههههههه
الله يسلمك اخوي
كلك ذوق
وركبوني الالعاب وكل ما يطلعوني مدوخه
هاي الصوره في الاناطر طبعا لازم تركبونها بمركب حوالي ساعتين
واخيرا اشكر كل من سأل عني وخاصه الغاليه عود معطر ورجعتلكم
الحمدلله عالسلامة ..
واجر وعافية ان شاء الله ..
بسم الله من وين طلعتي فجأة خخخخخ
توه رمسو عنج بموضوع الاخت عود معطر وعلى طووووول طلعتي …
بسم الله الرحمن الرحيم شو هالصدفة الغريبة خخخ
الحمدلله على السلامه اختي ursoul …